រាំខុសបច្ចេកទេស តារាប្រុសម្នាក់នេះដល់ថ្នាក់ ដួលផ្កាប់មុខបោកក្បាលនៅលើឆាក (មានវីដេអូ)

កូរ៉េខាងត្បូង ៖ កាលពីពេលថ្មីៗកន្លងទៅនេះ អ្នកគាំទ្រម្នាក់របស់តារា Rapper កូរ៉េល្បីឈ្មោះគឺ Changmo បានបង្ហោះវីដេអូខ្លីមួយ ធ្វើឲ្យមហាជនមានការភ្ញាក់ផ្អើលយ៉ាងខ្លាំង។

ក្នុងវីដេអូបង្ហាញពីសកម្មភាពដែល Changmo កំពុងតែសម្ដែងនៅលើឆាក ប៉ុន្តែភ្លាមៗនោះ លោកស្រាប់តែបាត់បង់ជំហរ ដួលផ្កាប់មុខនៅលើឆាកមួយទំហឹងតែម្ដង។

អ្នកគាំទ្រសង្ស័យថា ក្បាលនិងជង្គង់របស់លោក ត្រូវបានបុកយ៉ាងខ្លាំង ទៅនឹងធុងបាស ដែលនៅខាងមុខនោះ ហើយក៏ទំនងជាឈឺណាស់ដែរ។

ប៉ុន្តែដោយសារតែវត្តមានរបស់ហ្វេនៗ បង្ហាញការគាំទ្រដល់លោកយ៉ាងខ្លាំង ទើបធ្វើឲ្យ Changmo អាចសម្ដែងពោរពេញដោយថាមពល និងកម្លាំងចិត្ត បាត់អស់អារម្មណ៍ឈឺចាប់ទាំងឡាយ នៅលើរូបរាងកាយ៕

បើប្រិយមិត្តចង់ជ្រាបច្បាស់ តោះទស្សនារូបភាព និងវីដេអូខាងក្រោម ៖