ភ្នំពេញ៖ ប្រិយមិត្តច្បាស់ជាបានស្គាល់ ចំប៉ីខ្មៅ ដែលលោកជាតារាហ្វេសប៊ុកមួយរូបផងដែរ កាលពីឆ្នាំ ២០១៩ កន្លងទៅនេះ លោកត្រូវបានសាលាដំបូងដាក់ទោសឲ្យ ជាប់ពន្ធនាគារ២ឆ្នាំ និងពិន័យប្រាក់ ៣លានរៀល ប៉ុន្តែទោសនេះឱ្យអនុវត្តតែ១ឆ្នាំប៉ុណ្ណោះ ដែលលោកជាប់ចោទពីបទ ប្រមាថជាតិសាសន៍ និង ញុះញង់ឲ្យមានការរើសអើងពូជសាសន៍។

យ៉ាងណាមិញ តារាហ្វេសប៊ុក ភេទទី ៣ រូបនេះ កាលមុន រូបគេតែងតែចេញជាវីដេអូថ្មីៗជាច្រើន ដែលមានអ្នកស្គាល់លោកតាមរយៈ ប្រព័ន្ធ ហ្វេសប៊ុក។ ដោយរូបលោក ត្រូវបានផ្ដន្ទាទោស ឲ្យជាប់ពន្ធនាគារដោយសារមានយុវជនប៉ុន្មាននាក់ ខោកក្បាលទៅដល់រូបគេ ទើបបណ្ដាលឲ្យរូបគេខឹងសម្បារ រហូតដល់ជេរប្រមាថរាលដាលដល់ជាតិសាសន៍ខ្មែរ។ ហើយបន្ទាប់ពីជាប់ពន្ធនាគារអស់រយៈពេល១ឆ្នាំ ពេលនេះ ចំប៉ីខ្មៅ ត្រូវបានដោះលែងឲ្យមានសេរីភាពវិញហើយដែរ។

ជាមួយគ្នានេះ ក្រោយពេលដោះលែងខ្លួនឲ្យមានសេរីភាពឡើងវិញ កន្លងទៅរយៈពេល ១សប្ដាហ៍ទៅហើយ ពេលនេះ ក្នុងថ្ងៃទី ១៦ ខែកុម្ភៈនេះ ចំប៉ីខ្មៅ បានសម្រេចចិត្តបួស ដើម្បីបម្រើព្រះពុទ្ធសាសនាហើយ។ ដោយគេឃើញរូបភាពជាច្រើនសន្លឹកដែលត្រូវបានបង្ហោះដោយបងប្រុសរបស់លោកនៅក្នុងគណនីហ្វេសប៊ុក។គេឃើញថាទឹកមុខ ចំប៉ីខ្មៅ ពោរពេញដោយស្នាមញញឹម ដោយក្ដីបរិសុទ្ធ​និងការពេញចិត្ត សប្បាយចិត្តនូវទង្វើមួយនេះ ដែលបានធ្វើទង្វើមួយដ៏ល្អក្នុងសង្គម និងកែប្រែនូវអំពើមិនល្អដែលធ្លាប់ធ្វើពីមុនបានយ៉ាងគួរឲ្យសរសើរ។

ទស្សនារូបភាពខាងក្រោម!!!

ចំប៉ីខ្មៅនិងគ្រួសារ
ចំប៉ីខ្មៅនិងបងប្រុស
ពិធីបំបួស
ពិធីបំបួស
ពិធីដង្ហែកូននាគ
ពិធីដង្ហែកូននាគ
ចំប៉ីខ្មៅនិងបងប្រុស

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ