ចិន៖ យោងតាមឃ្លីបវីដេអូដ៏រំជួលចិត្តមួយ បានផ្ដិតយកពីសកម្មភាពរបស់គ្រូពេទ្យនៅវូហានម្នាក់ កំពុងធ្វើដំណើរដោយថ្មើរជើងទៅធ្វើការនៅឯមន្ទីរពេទ្យទាំងយប់អធ្រាត្រ ខណៈមេឃកំពុងភ្លៀង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសារព័ត៌មានមួយបានចុះផ្សាយថា គ្រូពេទ្យជំនាញផ្នែកព្យាបាលកុមារម្នាក់ឈ្មោះ Wang Xiaoting ត្រូវរស់ឃ្លាតឆ្ងាញពីគ្រួសារជាបណ្ដោះអាសន្ន ហើយសូម្បីតែការធ្វើដំណើរទៅណាមកណាផងដែរ ដើម្បីចៀសវាងការឆ្លងមេរោគទៅស្វាមី ខណៈដែលសព្វថ្ងៃនាងកំពុងព្យាបាលអ្នកឆ្លងវីរុសកូរ៉ូណានៅឯមន្ទីរពេទ្យ Wuchang ក្នុងទីក្រុង វូហាន។
ទោះជាយ៉ាងណាក៏ដោយ ក៏ស្វាមីរបស់របស់អ្នកស្រី Xiaoting គឺលោក Yinghe មិនបានបណ្ដាយឲ្យប្រពន្ធរបស់លោក ទៅណាមកណាតែម្នាក់ឯងនោះឡើយ លោកតែងតែបើកឡានតាមពីក្រោយដើម្បីការពារសុវត្តិភាព ក៏ដូចជាការបំភ្លឺផ្លូវនៅរាល់ពេលដែលអ្នកស្រី Xiaoting ធ្វើការវេនយប់ផងដែរ។
លើសពីនេះទៅទៀតនោះ លោក Yinghe តែងមានអាហារក្ដៅរង់ចាំប្រពន្ធនៅក្នុងបន្ទប់សណ្ឋាគារជានិច្ច ពេលនាងត្រលប់មកពីមន្ទីរពេទ្យវិញ។ ម៉្យាងវិញទៀត បើទោះជាអ្នកទាំងពីរមិនសូវមានពេលជួបផ្ទាល់ដូចមុនយ៉ាងណាក៏ដោយ ប៉ុន្ដែប្ដីប្រពន្ធមួយគូនេះតែងតែខលជាវីដេអូជាមួយគ្នាជាប្រចាំ។
គួរឲ្យដឹងផងដែរថា ក្រោយវីដេអូនោះបានបង្ហោះចូលក្នុងបណ្ដាញសង្គម មានមនុស្សរាប់លាននាក់បានបង្ហាញពីការពេញចិត្តចំពោះទង្វើដ៏គួរឲ្យគោរពរបស់នាង។ មួយវិញទៀត វាក៏បានឆ្លុះបង្ហាញពីបញ្ហាប្រឈមដែលបុគ្គលិកពេទ្យនៅវូហានសព្វថ្ងៃកំពុងតែជួបប្រទះផងដែរ៕
សូមទស្សនាវីដេអូខាងក្រោម៖