រំភើបជំនួស ស្រលាញ់គ្នាជាង១០ឆ្នាំ ទីបំផុត Koi ត្រូវមិត្តប្រុសសុំរៀបការក្នុង Gym ចំថ្ងៃValentine's Day!

ថៃ៖ កាលពីម្សិលមិញនេះ តារាចម្រៀង និងជាតារាសម្តែងស្រី Ratchawin Wongviriya ហៅ Koi បានជួបនូវរឿងដ៏រំភើបចិត្តបំផុតនៅក្នុងជីវិត ដោយនាងត្រូវបានមិត្តប្រុសជាទីស្រលាញ់ សុំរៀបការ នៅក្នុងកន្លែងហាត់ប្រាណផ្ទាល់តែម្ដង។

ជាការពិតណាស់ មិត្តប្រុសរបស់ Koi ត្រូវបានគេស្គាល់លោកថា ជាតារាចម្រៀងប្រចាំក្រុមតន្រ្តីល្បីឈ្មោះរបស់ថៃ BodySlam ដោយលោកមានឈ្មោះថា Artiwara Kongmalai។ យ៉ាងណាមិញ ក្រោយពីអ្នកទាំងពីរ បានស្រលាញ់គ្នាអស់រយៈពេល១០ឆ្នាំមកនេះ​ ទីបំផុតលោក ក៏បានសុំ Koi រៀបការយ៉ាងរ៉ូមែនទិក នៅកន្លែងហាត់ប្រាណ ជាកន្លែងសំណព្វចិត្ត ដែលអ្នកទាំងពីរ តែងតែទៅជាមួយគ្នាជាប្រចាំ​ ហើយជាពិសេសទៀតនោះ ថែមទាំងសុំរៀបការចំថ្ងៃ Valentine’s Day ជាថ្ងៃនៃសេចក្តីស្រលាញ់ថែមទៀតផងដែរ។

តួយ៉ាង ក្រោយឮដំណឹងល្អនេះ អ្នកគាំទ្រនៅលើបណ្តាញទំនាក់ទំនងសង្គមជាច្រើន ក៏បានផ្ញើសារជូនពរដល់សេចក្តីស្នេហារបស់អ្នកពីរ ចំណែកឯអ្នកខ្លះទៀតក៏រំភើបជំនួស លួចច្រណែននឹងភាពផ្អែមល្ហែមរបស់ Koi និង Artiwara ផងដែរ៕

• ស្នេហា
• តារាថៃ