កុំឲ្យស្ងាត់យូរ Justin ចេញបទថ្មីមួយ ជាកាដូទិវាក្តីស្រលាញ់(មានវីដេអូ)

បរទេស៖ ប្រិយមិត្តទាំងអស់គ្នា ដែលនិយមស្តាប់បទចម្រៀង ជាភាសាបរទេស ច្បាស់ជាស្គាល់ តារាចម្រៀងសញ្ជាតិកាណាដា សម្លេងស្អក និងឧស្សាហ៍ដូរសង្សារ ដូចខោអាវ Justin Bieber ជាក់ជាពុំខាន។
លើសពីនេះ Justin Bieber ជាតារាប្រុសម្នាក់ ដែលជោគជ័យបំផុត ក្នុងចំណោមតារាល្បីៗផ្សេងៗទៀត នៅលើពិភពលោក ដែលគាត់បានប្រឡូកចូល ក្នុងសិល្បៈតាំងតូចក្រូចឆ្មារមក ហើយបានបន្តរហូតមកទល់បច្ចុប្បន្ននេះ។

ប៉ុន្មានម៉ោងមុននេះ Justin Bieber បានធ្វើឲ្យអ្នកគាំទ្រមួយចំនួន រំភើបស្ទើរស្រក់ទឹកភ្នែកដោយគាត់ បានបង្ហោះបទចម្រៀងថ្មីមួយ មានចំណងជើងថា « All Around me» ហើយមានចង្វាក់ភ្លេងពិរោះរណ្ដំ ក្នុងថ្ងៃបុណ្យទិវានៃក្តីស្រលាញ់ ហាក់បីដូចជា កាដូសំរាប់អ្នកទស្សនាបានសណ្តាប់ផងដែរ។ 
គួរបញ្ជាក់ដែរថា ថ្មីៗនេះ Justin Bieber ទទួលបានកំណត់ត្រាមួយទៀតគឺ បទរបស់រូបគេ ​មានអ្នកស្តាប់ច្រើនជាងគេបំផុតលើ Spotify ជុំវិញ​ពិភពលោក ដល់ទៅជាង ៦២លានដង៕
តោះសាកស្ដាប់បទថ្មីដែល Justin Bieber ទើបតែចេញក្តៅៗខាងក្រោមនេះ៖