ចិន៖ យោងតាមឃ្លីបវីដេអូដែលគេបង្ហោះនៅលើបណ្ដាញសង្គមធ្វីតទ័រ បានបង្ហាញពីគិលានុបដ្ឋាយិកាមកពីខេត្ត Shaanxi ពេលកំពុងកោរសក់បង្ការពីការឆ្លងមេរោគ មុនធ្វើដំណើរចេញទៅសង្គ្រោះអ្នកជំងឺនៅឯទីក្រុង វូហាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការកោរសក់មិនត្រឹមកាត់បន្ថយឥទ្ធិពលនៃការឆ្លងរាលដាលនៃជំងឺប៉ុណ្ណោះទេ ក៏បានផ្ដល់ភាពងាយស្រួលដល់ការពាក់ និងដោះឈុតការពារផងដែរ។ ជាក់ស្ដែងគិលានុប្បដ្ឋាយិកាម្នាក់នៅមន្ទីរពេទ្យ Renmin ឈ្មោះ Shan Xia បានកោរសក់ទាំងអស់របស់នាងកាលពីចុងខែមករាកន្លងទៅ ដើម្បីត្រៀមខ្លួនធ្វើដំណើរទៅតំបន់ដែលផ្ទុះវីរុសខ្លាំង។
ក្រៅពីការកោរសក់នេះដែរ មានបុគ្គលិកពេទ្យនៅវូហានដ៏ទៃទៀតបានលះបង់តាមរបៀបផ្សេងៗគ្នា ដើម្បីចូលរួមប្រយុទ្ធប្រឆាំងនឹងវីរុសឆ្លងដ៏កាចសាហាវមួយនេះ។ ឧទាហរណ៍៖ បុគ្គលិកពេទ្យខ្លះបានស្លៀកកន្ទបមនុស្សធំ ដើម្បីសន្សំសំចៃពេលវេលាធ្វើការ។ ចំណែកឯបុគ្គលិកខ្លះទៀត ស៊ូទ្រាំនឹងការប៉ះពាល់ជាមួយនឹងសារធាតុគីមី និងថ្នាំសម្លាប់មេរោគផ្សេងៗ ដែលធ្វើឱ្យរលាកស្បែកក៏មាន។ មិនត្រឹមតែប៉ុណ្ណោះ គេក៏ឃើញបុគ្គលិកពេទ្យផ្សេងទៀត មានស្នាមនៅលើមុខ ដោយសារការពាក់ឧបករណ៍ការពាររយៈពេលយូរ៕
សូមទស្សនាវីដេអូខាងក្រោម៖