ស្ទើរស្រក់ទឹកភ្នែក! លោកតាវ័យជរាម្នាក់ ខំប្រឹងមើលថែប្រពន្ធ ទាំងដែលខ្លួនកំពុងផ្ទុកវីរុសកូរ៉ូណាដូចគ្នា (មានវីដេអូ)

ចិន៖  លោកតាវ័យ ៨៧ ឆ្នាំ រួមទាំងប្រពន្ធវ័យ ៨៣ ឆ្នាំត្រូវបានគេបញ្ជូនឲ្យទៅសម្រាកព្យាបាលនៅឯមន្ទីរពេទ្យ បន្ទាប់ពីរកឃើញថាពួកគាត់ទាំងពីរមានផ្ទុកវីរុសកូរ៉ូណាដូចគ្នា។ ប្ដីប្រពន្ធមួយគូនេះស្នាក់នៅក្នុងបន្ទប់តែមួយ និងមានគ្រែក្បែរគ្នា។ ដូច្នេះហើយលោកតាជាប្ដី ដែលមានសុខភាពប្រសើរជាងអាចមើលថែប្រពន្ធជាទីស្រលាញ់របស់គាត់បានខ្លះៗផងដែរ។

យោងតាមឃ្លិបវីដេអូខ្លីមួយដែលបង្ហាញពីសកម្មភាពរបស់លោកតា កំពុងព្យាយាមបញ្ចុកចំណីអាហារដល់ប្រពន្ធខ្លួន ដែលកំពុងសម្រាកនៅលើគ្រែ ទាំងដៃមានបន្ទោងសារ៉ូមនៅឡើយ។ យ៉ាងណាមិញក្រោយបង្ហោះចែកចាយលើបណ្ដាញសង្គមចិនរួច បានធ្វើឲ្យមហាជាច្រើនសម្ដែងនូវអារម្មណ៍អាណិតអាសូរជាខ្លាំងសឹងស្រក់ទឹកភ្នែក។

ទោះជាយ៉ាងណាក៏ដោយ យើងសង្ឃឹមថាពួកគាត់ទាំងពីរនឹងអាចជាសះស្បើយក្នុងពេលឆាប់ៗ៕

ចំពោះអ្នកទាំងអស់គ្នាវិញ តើមានពាក្យពេចន៍អ្វីខ្លះ ជូនពរពួកគាត់ទាំងពីរ? 

សូមទស្សនារូបភាព និងវីដេអូខាងក្រោម៖