ភ្នំពេញ៖ ដូចជាប្រិយមិត្តបានជ្រាបរួចមកហើយពី ប៉ែន ចំរ៉ុង ដែលជាពិធីករដ៏ល្បី បានចូលរោងការជាមួយនឹងម្ចាសចិត្តរបស់លោក កាលពីខែ វិច្ឆិកា ឆ្នាំ២០១៩ កន្លងទៅថ្មីៗ បន្ទាប់ពីមើលចិត្តថ្លើមគ្នាអស់រយៈពេលយូរឆ្នាំ។ ហើយក្រោយពីរៀបការរួច រូបលោក ក៏នៅតែទទួលបានការចាប់អារម្មណ៍ និងប្រជាប្រិយភាពដដែល ដែលតែងមាន បណ្តាកម្មវិធី ហៅលោក ឲ្យធ្វើពិធីករ មិនចេះអាក់ខាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបីជា ប៉ែន ចំរុង មានភាពមមាញឹក នៅក្នុងការងារសិល្បៈប៉ុណ្ណាក៏ដោយ ក៏រូបលោក តែងតែផ្តល់ពេលវេលាឲ្យភរិយាដែលទើបរៀបការ ថ្មីថ្មោង ឲ្យទទួលបាននូវសេចក្តីសុខ យ៉ាងពេញទីផងដែរ។ ហើយជាក់ស្តែង ក្រោយពីរៀបការរួច លោក ក៏តែងតែឆ្លៀតពេលនាំភរិយា របស់លោក ដើរលេង តាមទីជិតទីឆ្ងាយ ឲ្យតែភរិយា ចង់ទៅទីនោះ គឺប៉ែន ចំរ៉ុង មិនប្រកែកសូម្បីតែមួយម៉ាត់។ ជាពិសេស គួបផ្សំ ភរិយាលោក កំពុងតែពរពោះទៀតនោះ គឺលោក កាន់តែយល់ចិត្ត យល់ថ្លើម មិនឲ្យទាស់នោះទេ មិនថា នាងចង់ទៅណា ចង់ញ៉ាំអី គឺលោក ធ្វើតាមចិត្តភរិយាគ្រប់បែបយ៉ាង៕