ចិន៖ បច្ចុប្បន្ននេះជំងឺរលាកសួតប្រភេទថ្មី (2019-nCoV) ហាក់មិនទាន់ចុះអន់ថយនៅឡើយទេ។ ទន្ទឹមគ្នានេះដែរ មនុស្សជាច្រើនជុំវិញពិភពលោកកំពុងព្យាយាមការពារនិងរក្សាអនាម័យផ្ទាល់ខ្លួនយ៉ាងខ្ជាប់ខ្ជួន។ ទោះជាយ៉ាងនេះក្ដី ក៏មានមនុស្សអសីលធម៌ខ្លះបានធ្វើរឿងមិនគប្បី បណ្ដាលឲ្យគេគ្រប់គ្នាភិតភ័យដែរ។

ជាក់ស្ដែងកាលពីថ្មីៗនេះស្ត្រីម្នាក់រស់នៅទីក្រុងវូហានជាតំបន់ដែលវីរុសឆ្លងកំពុងផ្ទុះខ្លាំង បានខាកស្ដោះដាក់ដៃទ្វារក្នុងអគារដែលនាងរស់នៅ។ សកម្មភាពថតដោយកាមេរ៉ាសុវត្ថិភាពបង្ហាញទង្វើស្ត្រីនេះកំពុងដើរអោនយឺតៗឆ្ពោះទៅកាន់មាត់ទ្វារ បន្ទាប់មកស្ដោះទឹកមាត់ដាក់ដៃទ្វាររួចដើរចេញទៅទាំងប្រុងប្រយ័ត្ន។

យោងតាមសេចក្តីរាយការណ៍ឲ្យដឹងថា នៅក្នុងតំបន់ដែលស្ត្រីក្នុងវីដេអូកំពុងរស់នៅ ក៏មានអ្នកឆ្លងវីរុសកូរ៉ូណា ៣០ ករណី និង ៩០ ករណីផ្សេងទៀតកំពុងមានអាការគ្រុនក្តៅផងដែរ។

ក្រោយមកអ្នករស់នៅក្នុងតំបន់បានដឹង ក៏រាយការណ៍ទៅសមត្ថកិច្ច ហើយក៏មានប៉ូលិសចុះមកត្រួតពិនិត្យដោយពាក់ឯកសណ្ឋានការពារពីមេរោគ។

ទោះជាយ៉ាងណាក៏ដោយ គេនៅមិនទាន់អាចកំណត់ថាស្ត្រីនោះមានផ្ទុកវីរុសកូរ៉ូណា ឬអត់នៅឡើយទេ ដោយរង់ចាំការស៊ើបអង្កេតបន្ថែមទៀត៕

ជនបង្ក
ជនបង្ក
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ