សឹងមិនគួរឲ្យជឿ! ស្ត្រីម្នាក់ មានម្រាមដៃម្រាមជើងចំនួន ៣១ ត្រូវអ្នកភូមិចោទថាជាអាបធ្មប់...(មានវីដេអូ)

ឥណ្ឌា៖ ស្ត្រី ដែលជាជនជាតិឥណ្ឌាម្នាក់ កើតមកមានម្រាមដៃ និងម្រាមជើងសរុបចំនួន ៣១ តាំងពីកំណើត ត្រូវបានគេរាប់ចូលក្នុងបញ្ជីកំណត់ត្រាពិភពលោកហ្គីនណេសជាអ្នកដែលមានម្រាមច្រើនបំផុត  ប៉ុន្តែនាងត្រូវអ្នកភូមិមានជំនឿថាជាអាបធ្មប់។

ស្ត្រីឈ្មោះ គូម៉ារីណាកា អាយុ ៦៣ ឆ្នាំកើតមកមានម្រាមជើង ១៩ និងម្រាមដៃ ១២  ត្រូវបានគេបង្ខំឲ្យលាក់ខ្លួន នៅឯផ្ទះរបស់នាងស្ទើរតែមួយជីវិត ព្រោះអ្នកស្រុកមានអបិយជំនឿថាគាត់អាបធ្មប់។ តែបើយោងតាមការស្រាវជ្រាវរកឃើញថា ស្រ្តីវ័យ ៦៣ ឆ្នាំរូបនេះមានជំងឺពិការភាពតាំងពីកំណើតម៉្យាង ដែលគេឲ្យឈ្មោះថា Polydactyly។ ជាទូទៅជំងឺ ប្រភេទនេះគេអាចធ្វើការវះកាត់បានជាធម្មតា (ក្នុងវ័យចន្លោះពី ១ ឆ្នាំ ទៅ ២ ឆ្នាំ) តែដោយសារតែ គូម៉ារីណាកា កើតក្នុងត្រកូលគ្រួសារក្រីក្រ ដូច្នេះហើយនាងមិនមានលទ្ធភាពព្យាបាលជំងឺនេះទេ។

បើយោងតាមសម្ដីរបស់នាង គូម៉ារីណាកា បាននិយាយថា៖

ទន្ទឹមគ្នានេះដែរ មិត្តភក្ដិរបស់នាងម្នាក់ បានបង្ហាញពីអារម្មណ៍សោកស្ដាយ ព្រមទាំងនិយាយថា៖

យ៉ាងណាមិញ ក្រោយបានដឹងពីស្ថានភាពរបស់ គូម៉ារីណាកា មន្ត្រីរដ្ឋាភិបាលរបស់ឥណ្ឌា បានផ្ដល់ជំនួយដល់នាងនូវ ផ្ទះមួយខ្នង និងប្រាក់មួយចំនួន ព្រមទាំងអប់រំអ្នកជិតខាង ឲ្យមានការអាណិតអាសូរ និងបញ្ឈប់ការគិតបែបអវិជ្ជមានមកលើនាងបន្តទៀត។

គួរបញ្ជាក់ថា គូម៉ារីណាកា នាពេលបច្ចុប្បន្ននេះបានបង្កើតកំណត់ត្រាពិភពលោកថ្មីមួយ ក្រោយយកឈ្នះលើកំណត់ត្រាចាស់របស់ បុរសវ័យ ៤៧ ឆ្នាំម្នាក់ដែលមានម្រាមជើង ១៤ និងម្រាមដៃ ១៤ ដែលបានជាប់កំណត់ត្រាកាលពីឆ្នាំ ២០១៤ កន្លងទៅ៕

មានវីដេអូខាងក្រោម៖