អាជ្ញាធរដែលគ្រប់គ្រងផ្សារក្នុងក្រុងប៉េកាំងបាននិយាយកាលពីថ្ងៃ២៩ មករាថា ម្ចាស់ឱសថស្ថានមួយកន្លែងនៅចិនត្រូវបានពិន័យ ៣លានយ័ន ឬស្មើនឹង៤៣,៤៥៣០ដុល្លារអាមេរិក ដោយសារអ្នកលក់ហ៊ានតម្លើងថ្លៃម៉ាស់ចំពេលមានការរីករាលដាលនៃជំងឺកូរ៉ូណាវីរុស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការផ្ទុះឡើងនៃវីរុសនេះ អាជ្ញាធរបញ្ជាក់ថាបានចាប់ផ្តើមនៅកណ្តាលទីក្រុង Wuhan កាលពីចុងឆ្នាំ២០១៩ ដោយបានសម្លាប់មនុស្សចំនួន ១៣២នាក់ និងជិត៦០០០ នាក់បានឆ្លងគិតត្រឹមចំនួននៅក្នុងប្រទេសចិន។
ទូរទស្សន៍រដ្ឋបាននិយាយថាហាងមួយបានដំឡើងថ្លៃម៉ាស់ម៉ាក 3M មួយប្រអប់ដល់ ៨៥០យ័ន ខណៈដែលតម្លៃតាមអ៊ីនធឺណេតមានត្រឹមតែ ១៤៣យ័នប៉ុណ្ណោះ។
សេចក្តីថ្លែងការណ៍បាននិយាយថាចាប់តាំងពីថ្ងៃព្រហស្បតិ៍មក អ្នកគ្រប់គ្រងផ្សារបានស៊ើបអង្កេតករណីលួចតម្លើងតម្លៃចំនួន ៣១ករណី ដោយបានត្រួតពិនិត្យតម្លៃសម្ភារៈការពារសុខភាព និងចាត់វិធានការលើសកម្មភាពខុសច្បាប់ដូចជាការលួចបន្លំ ឬប្រឌិតព័ត៌មានអំពីការដំឡើងថ្លៃជាដើម។
គួរបញ្ជាក់ថា អាជ្ញាធរក្នុងក្រុងបានរាយការណ៍ថាមន្ត្រីគ្រប់គ្រងផ្សារបានបញ្ជាឱ្យបិទឱសថស្ថានមួយកន្លែង ដែលលក់ម៉ាស់មិនត្រូវតាមស្តង់ដារ។ មិនត្រឹមតែប៉ុណ្ណោះ អាជ្ញាធរបានតម្រូវឱ្យហាងនេះសងប្រាក់វិញដល់អ្នកទិញ និងបោះចោលរបស់ដែលមិនទាន់បានលក់នៅឡើយ៕