ប្រេស៊ីល៖ យ៉ាងហោចណាស់មានមនុស្ស ៤៦នាក់ បានស្លាប់ដោយសារទឹកជំនន់និងការបាក់ដីនៅក្នុងប្រទេសប្រេស៊ីល បន្ទាប់ពីផ្នែកខ្លះនៃប្រទេសនេះបានទទួលរងនូវឥទ្ធិពលពីភ្លៀងធ្លាក់ខ្លាំងបំផុត។ យោងតាមអាជ្ញាធរគ្រប់គ្រងគ្រោះមហន្តរាយនៅក្នុងតំបន់បានឱ្យដឹងថា មនុស្សចំនួន ៣៧នាក់ បានស្លាប់នៅក្នុងរដ្ឋ មីណាស់ហ្គែរែស (minas gerais) និង ៩នាក់ បានស្លាប់នៅក្នុងរដ្ឋ អេស្ពីរីតូសានតូ (Espirito Santo) ខណៈមនុស្សចំនួន ២៨នាក់ផ្សេងទៀតបានបាត់ខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមអាជ្ញាធរបានបន្តថា ភ្លៀងបានបន្តធ្លាក់នៅក្នុងរដ្ឋមីណាស់ហ្គែរែសតាំងពីថ្ងៃអាទិត្យមក ហើយក្នុងនោះប្រជាជនប្រមាណ ២ម៉ឺននាក់ ត្រូវបានជម្លៀសចេញពីផ្ទះសម្បែង។
លោក Romeu Zema ដែលជាអភិបាលរដ្ឋមីណាស់ហ្គែរែសបានថ្លែងកាលពីថ្ងៃសុក្រថា៖
យោងតាមទីភ្នាក់ងារឧតុនិយមជាតិរបស់ប្រទេសប្រេស៊ីលបានឱ្យដឹងថា ព្យុះលាយឡំជាមួយទឹកភ្លៀង នឹងបន្តឆ្លងកាត់ភាគអាគ្នេយ៍ប្រទេសប្រេស៊ីលក្នុងរយៈពេលពីរបីថ្ងៃខាងមុខទៀត។
គួររំលឹកផងដែរថា កាលពីមួយឆ្នាំមុន មនុស្សប្រមាណ ២៥០នាក់បានស្លាប់ ដោយសារទំនប់ទឹកភ្លៀងមួយក្នុងចំណោមទំនប់ផ្សេងទៀតនៅក្នុងរដ្ឋមីណាស់ហ្គែរែសបានបាក់ដោយសារភ្លៀងធ្លាក់ខ្លាំង៕
សូមទស្សនាវីដេអូខាងក្រោម៖