អេស្ប៉ាញ៖ ព្យុះដ៏សាហាវមួយបានវាយលុកផ្នែកខ្លះនៃប្រទេសអេស្ប៉ាញ ដែលបង្កឱ្យមានភ្លៀងធ្លាក់ខ្លាំងនិងខ្យល់
បក់បោក ព្រមទាំងបានឆក់យកជីវិតមនុស្សយ៉ាងហោចណាស់ ១៣នាក់។ អាជ្ញាធររបស់ប្រទេសនេះបាននិយាយថា មនុស្សចំនួន៤នាក់ កំពុងបាត់ខ្លួននៅឡើយ បន្ទាប់ពីព្យុះដ៏សាហាវមួយបានវាយលុកនិងបង្កឱ្យមានទឹកជំនន់ហូរកាត់ផ្លូវ។
លោក Sanchez ដែលអាជ្ញារបស់ប្រទេសអេស៉្បាញបានប្រាប់អ្នកយកព័ត៌មានថា៖
ការប្រែប្រួលអាកាសធាតុបានបង្កឱ្យមានព្យុះបោកបក់យ៉ាងធ្ងន់ធ្ងរ ដូច្នេះហើយអ្វីដែលសំខាន់នាពេលនេះ គឺយើងទាំងអស់គ្នាត្រូវសាមគ្គីគ្នានិងរួមសហការគ្នា ដើម្បីដោះស្រាយបញ្ហានោះឱ្យបានឆាប់តាមតែអាចធ្វើទៅបាន។
សូមបញ្ជាក់ផងដែរថា ព្យុះកំណាចនេះបានបោកបក់មកលើតំបន់កោះបាលៀរីក និងកោះម៉ាចូកា កាលពីចុងសប្តាហ៍មុនក្នុងល្បឿនខ្យល់ប្រមាណ ១០០ គីឡូម៉ែត្រក្នុងមួយម៉ោង និងបានបង្កឱ្យមានភ្លៀងធ្លាក់យ៉ាងខ្លាំង។ រលកដ៏ធំបានបង្ខំឱ្យប្រជាជនជាច្រើនត្រូវជម្លៀសចេញពីផ្ទះសម្បែង ខណៈទឹកទន្លេបានបោកបំបាក់ច្រាំងនិងបំផ្លាញទូកអស់ជាច្រើន។
ព្យុះកំណាចនេះបានបន្តបោកបក់ទៅលើតំបន់ផ្សេងទៀតដូចជា តំបន់កាតាឡូនៀ វ៉ាលិនសៀ រួមទាំងតំបន់ភាគខាងត្បូងនៃទីក្រុងមូសៀ និងអាន់ឌូស្យា។ អាជ្ញាធររបស់ប្រទេសនេះបាននិយាយថា ចំនួនអ្នកស្លាប់អាចនឹងកើនឡើងថែមទៀត ខណៈពេលដែលមនុស្ស៤នាក់ កំពុងបាត់ខ្លួនគេនៅរកមិនទាន់ឃើញនៅឡើយ៕
Bong I.T