ប្តីណាមិនខ្លោចចិត្ត! គម្រប់ខួប១០ឆ្នាំ បែរជាព្រាត់ប្រពន្ធ បានត្រឹមតែមើលរូបថត ក្រោយចោរប្លន់ សម្លាប់យ៉ាងព្រៃផ្សៃ

ថៃ៖ នៅពេលនេះសំណុំរឿងចោរចូលប្លន់ បាញ់សម្លាប់ក្មេងតូច និងមនុស្ស២នាក់ទៀត នៅក្នុងផ្សារទំនើបប្រទេសថៃ កំពុងតែជាប្រធានបទដ៏ក្តៅគគុកខ្លាំង ស្របពេលដែលពេលនេះចាប់បានចោរដ៏ឃោរឃៅនោះហើយ ដែលជានាយកសាលារៀនមួយ។

នៅក្នុងនោះដែរ គេក៏បានចាប់អារម្មណ៍ខ្លាំង ទៅលើជនរងគ្រោះដែលបានស្លាប់ដោយសារតែចោរចិត្តធំ បានបាញ់ស្លាប់ៗភ្លាម ដែលជាបុគ្គលិកដែលកំពុងអង្គុយធ្វើការនៅក្នុងហាងលក់មាស ដែលកាលពីពេលថ្មីៗនេះ ស្វាមីជាទីស្រលាញ់របស់នាងបានធ្វើការបង្ហោះសារដ៏ក្តុកក្តួល ខណៈភរិយាបានឃ្លាតចោលខ្លួន និងកូនយ៉ាងគ្មានស្រណោះ។

តាមរយៈសារមួយនេះរបស់លោក បានធ្វើឲ្យមហាជនក្តុកក្តួលខ្លួន ស្របពេលដែលថ្ងៃនេះជាគម្រប់ខួបអាពាហ៍ពិពាហ៍របស់អ្នកទាំង២ រយៈពេល១០ឆ្នាំដែលមានចំណងដៃរួមគ្នាកូនមួយរូបដ៏គួរឲ្យស្រលាញ់ ដែលទុកនៅកំព្រាគួរឲ្យសង្វេគ។ មិនត្រឹមតែប៉ុណ្ណោះ បុរសជាប្តីបានរៀបរាប់ទាំងសោកស្តាយជាមួយនឹងអនុស្សាវរយ៍ ពាក្យសន្យាដែលធ្លាប់និយាយ ថាស្រលាញ់គ្នា និងមើលថែគ្នារហូត តែពេលនេះបែរជាប្រែអស់។

ទន្ទឹមនឹងអត្ថន័យសាររបស់លោក បានធ្វើឲ្យអ្នកលេងបណ្តាញសង្គមជាច្រើនពិតជាក្តុកក្តួលខ្លាំង ព្រោះមិននឹកស្មានថាដោយសារតែចោររូបនេះម្នាក់ បានធ្វើឲ្យគ្រួសារមួយដែលពោរពេញដោយក្តីសុខ បែរជាព្រាត់ប្រាស់គ្នាយ៉ាងដូច្នោះ៕

សូមទស្សនារូបភាពខាងក្រោមនេះ៖