ឃើញស្វីតមួយ Boy សុខៗសោះ ឥឡូវបែរជាឃើញ Chippy ទៅល្អូកល្អឺនជាមួយប្រុសបារាំងរូបសង្ហា សង្ស័យសង្សារថ្មី!

ថៃ៖ ចាប់តាំងពី តារាសម្តែងស្រី Chippy បែកបាក់ស្នេហាជាមួយនឹងកីឡាករប្រដាល់មក មួយរយៈចុងក្រោយនេះ គេសង្កេតឃើញថា នាងហាក់បីដូចជាមក ស្និទ្ធស្នាលកៀកកិតល្អូកល្អឺន ជាមួយនឹងតារាសម្តែងប្រុសល្បីឈ្មោះលោក Boy Pakorn រហូតធ្វើឲ្យមហាជនគ្រប់គ្នាពេញចិត្ត ចង់ឲ្យអ្នកទាំងពីរស្រលាញ់គ្នាពិតៗផងដែរ។

ដោយឡែក ទន្ទឹមនឹងកំពុងតែទទួលបានការគាំទ្រពីសំណាក់មហាជនច្រើនផងនោះ ស្រាប់តែថ្មីៗនេះ គេចាប់អារម្មណ៍ឃើញថា Chippy នាងហាក់បីដូចជាមានទំនាក់ទំនងផ្អែមល្ហែមយ៉ាងពិសេស ជាមួយនឹងបុរសបរទេសរូបសង្ហាសាច់ដុំ៨កងម្នាក់ បន្ទាប់ពីឃើញអ្នកទាំងពីរបានបង្ហោះរូបថតស្វីតៗ ដើរលេងជាមួយគ្នា នៅលើគណនី IG Story។

តួយ៉ាង នេះគ្រាន់តែជាការសង្ស័យរបស់អ្នកគាំទ្រតែប៉ុណ្ណោះ ចំពោះទំនាក់ទនងរវាង Chippy ជាមួយនឹងបុរសបរទេសរូបនោះ មានលក្ខណៈស៊ីជម្រៅដល់កម្រិតណានោះ គឺមានតែរង់ចាំការមកបកស្រាយ ប្រកាសបើកបង្ហាញទំនាក់ទនងជាផ្លូវការ របស់អ្នកទាំងពីរតែប៉ុណ្ណោះ៕