អ៊ីស្រាអែល៖ យោធាអ៊ីស្រាអែលបាននិយាយកាលពីថ្ងៃអាទិត្យថា "ប្រទេសអ៊ីស្រាអែលបានចាប់ផ្តើមតំឡើងឧបករណ៍ចាប់សញ្ញាក្រោមដីនៅតាមព្រំដែនខាងជើងប្រទេសលីបង់ ដើម្បីការពារពីការលួចជីកផ្លូវក្រោមដីឆ្លងកាត់ព្រំដែន" ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កងកម្លាំងការពារជាតិរបស់ប្រទេសអ៊ីស្រាអែលបានបង្ហោះសារនេះនៅលើបណ្តាញសង្គមធ្វីតទ័រថា "ឧបករណ៍ចាប់សញ្ញាទាំងនេះ នឹងអាចរកឃើញផ្លូវក្រោមដី រួមទាំងការពារការធ្វើផ្លូវក្រោមដី ដោយក្រុមភេរវកម្មហេសបូឡានៅលីបង់ ដែលមានបំណងចូលវាយប្រហារប្រទេសអ៊ីស្រាអែល" ។
គួររំលឹកផងដែរថា កាលពីមួយឆ្នាំមុន យោធាអ៊ីស្រាអែលបានរកឃើញនិងបំផ្លាញផ្លូវរូងក្រោមដីចំនួន៦ ដែលត្រូវបានជីកដោយក្រុមភេរវករហេសបូឡា។ ក្រុមយោធារបស់ប្រទេសនេះបាននិយាយនៅក្នុងកាសែតTimes of Israel report ថា៖ ការតំឡើងប្រព័ន្ធនេះ គឺជាជំហានការពារហេដ្ឋារចនាសម្ពន្ធ័ វាមិនមែនផ្អែកលើការស៊ើបការណ៍ថ្មីទេ។
លោកវរសេនីយ៍ទោ Jonathan Conricus ដែលជាអ្នកនាំពាក្យមកពីកងកំលាំងការពារជាតិរបស់ប្រទេស អ៊ីស្រាអែលបាននិយាយថា៖
បច្ចេកវិទ្យាថ្មីត្រូវបានប្រកាសដាក់ឱ្យដំណើរការ បន្ទាប់ពីវាទទួលបានជោគជ័យក្នុងការធ្វើតេស្តសាងល្បងជាបន្តបន្ទាប់។
នៅព្រឹកថ្ងៃអាទិត្យ កងកំលាំងការពារជាតិរបស់ប្រទេសអ៊ីស្រាអែល បានចាប់ផ្តើមជីកផ្លូវក្រោមដី ដើម្បីដំឡើងប្រព័ន្ធប្រព័ន្ធការពារនេះ។
លោកឧត្តមសេនីយ៍ Hidai Zilberman បាននិយាយថា៖
ចំនួននិងទីតាំងពិតប្រាកដរបស់ឧបករណ៍ចាប់សញ្ញានេះ មិនត្រូវបានបង្ហាញឱ្យដឹងនោះទេ ប៉ុន្តែវាអាស្រ័យប្រសិទ្ធភាពរបស់ប្រព័ន្ធនេះ រួមទាំងថវិកានិងតម្រូវការនៃទីតាំងចាំបាច់ ៕
Bong I.T