ថៃ៖ អ្នកណាមិនស្គាល់ តារាសម្ដែងថៃ លោក Mario Maurer ជាតារាសម្ដែងមួយរូបដែលមានប្រជាប្រិយភាពយ៉ាងខ្លាំងតាមរយៈរឿងភាគល្បីៗជាច្រើន មិនតែប៉ុណ្ណោះថែមទាំងមានមុខមាត់សង្ហា ដែលអាចទាក់ទាញចិត្តនារីៗបានផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបីជា លោក Mario ទទួលបាននូវភាពជោគជ័យ និងមានភាពមមាញឹកក្នុងវិស័យសិល្បៈ ប៉ុន្តែលោកក៏មិនភ្លេចធ្វើនូវរឿងដ៏អស្ចារ្យមួយនេះផងដែរ ដោយលោកបានសាងសង់ផ្ទះថ្មីមួយ ដែលប្រើរយៈពេលជាយូរ រហូតដល់ទៅជិត ៣ ឆ្នាំ ប៉ុន្តែនៅតែមិនទាន់រួចរាល់នៅឡើយទេ។
កាលពីពេលថ្មីៗនេះ តារាសម្ដែង លោក Mario Maurer ក៏បានបង្ហើបពីដំណើរការនៃការសាងសង់ផ្ទះ បានឱ្យដឹងថា វាមិនទាន់រួចរាល់នៅឡើយទេ ព្រោះនៅមិនទាន់បានតុបតែងនៅកន្លែងខ្លះ ហើយថែមទាំងមិនមានពេលវេលាច្រើនគ្រប់គ្រាន់ បណ្តាលឱ្យការសាងសង់ផ្ទះមានរយៈពេលយូរ ហើយម៉្យាងទៀត គ្រឿងតុបតែទាំងនោះគឺត្រូវបាននាំចូលពីបរទេសទាំងអស់។ ដូច្នេះ បានធ្វើឱ្យវាចំណាយពេលយូរ ហើយថវិកាដែលបានប្រើសម្រាប់សាងសង់មិនមានការកើនឡើងទេ ប៉ុន្តែប្រាកដជាមិនតិចជាង ១០ លាននោះទេ ដោយសារតែការរចនាទៅតាមការដែលចូលចិត្តផងដែរ។
មិនត្រឹមតែប៉ុណ្ណោះ Mario បានបង្ហើបទៀតថា លោកពិតជាមានមោទនភាពណាស់ ដែលបានខិតខំសន្សំប្រាក់រហូតដល់បានសាងសង់ផ្ទះសម្រាប់ខ្លួនឯង និងសម្រាប់អ្នកម្តាយរបស់លោក ព្រោះលោកមិនដែលបានសាងសង់ផ្ទះពីមុនមកទេ។ នៅពេលមានឱកាសធ្វើ លោកក៏ចង់ធ្វើឱ្យអស់ពីសមត្ថភាពហើយក៏មានអារម្មណ៍ថា វាមិនងាយស្រួលនោះទេ។ លោកក៏បានសារភាពថា ត្រូវបានម្តាយរបស់លោករអ៊ូដាក់ ប៉ុន្តែនៅពេលដែលអ្នកម្ដាយរបស់លោកបានឃើញហើយ ក៏មានភាពរីករាយផងដែរ៕
សូមទស្សនារូបភាពខាងក្រោម៖