អាមេរិក៖ បើយោងតាមសារព័ត៌មាន BBC បានឲ្យដឹងថា យន្តហោះដឹកអ្នកដំណើរមួយគ្រឿងបានបង្ហូរឥន្ធនៈនៅលើទីធ្លាសាលារៀនមួយចំនួន ខណៈពេលវាត្រូវការចុះចតជាបន្ទាន់ នៅអាកាសយានដ្ឋានអន្តរជាតិឡុសអាន់ជឺឡេស។ យ៉ាងហោចណាស់មានមនុស្សចំនួន៦០នាក់រួមទាំងកុមារនិងមនុស្សធំជាច្រើនកំពុងទទួលការព្យាបាល ដោយសារបញ្ហាស្បែកនិងបញ្ហាដកដង្ហើម។ បើតាមច្បាប់អាកាសចរណ៍ចែង ប្រេងឥន្ធនៈអាចនឹងត្រូវបានគេបង្ហូរ នៅក្នុងករណីចុះចតជាបន្ទាន់ ប៉ុន្តែមានតែលើតំបន់ដែលបានកំណត់និងនៅរយៈកម្ពស់ខ្ពស់តែប៉ុណ្ណោះ។

អាណាព្យាបាលរបស់ក្មេងៗកំពុងរង់ចាំនៅខាងក្រៅសាលា

ការហោះហើររបស់ក្រុមហ៊ុនអាកាសចរណ៍ Delta Airlines បានវិលត្រឡប់មកអាកាសយានដ្ឋានវិញ ដោយសារបញ្ហាម៉ាស៊ីន។ បើនៅសាលា Park Elementary School ក្នុងទីក្រុង Cudahy ដែលមានចម្ងាយ២៦គីឡូម៉ែត្រពីភាគខាងកើតអាកាសយានដ្ឋាន អ្នករងរបួសទាំងអស់គឺមិនសូវធ្ងន់ធ្ងរប៉ុន្មាននោះទេ។ 

យន្តហោះដឹកអ្នកដំណើររបស់ក្រុមហ៊ុនអាកាសចរណ៍ Delta Airlines កំពុងបញ្ចេញឥន្ធនៈ

យោងតាមកាសែត Los Angles Times បានឲ្យដឹងថា ក្មេងៗចំំនួន២ថ្នាក់គឺកំពុងលេងនៅខាងក្រៅ ស្របពេលដែលយន្តហោះបានបញ្ចេញប្រេងឥន្ធនៈពីលើ។ ចំណែកក្រុមហ៊ុនអាកាសចរណ៍ Delta Airlines បានបញ្ជាក់នៅក្នុងសេចក្ដីថ្លែងការណ៍មួយថា យន្តហោះដឹកអ្នកដំណើរបានបញ្ចេញឥន្ធនៈ ដើម្បីកាត់បន្ថយទម្ងន់របស់វា នៅពេលចុះចត៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ