ភ្នំពេញ៖ កាលពីថ្ងៃទី០៨ ខែមករា ឆ្នាំ២០២០ កន្លងទៅនេះ ក្រុមហ៊ុន អិចប្រេស ហ្វូដ គ្រុប (អ៊ី អេហ្វ ជី) បានបើកសម្ពោធការិយាល័យកណ្ដាលថ្មីរបស់ខ្លួន ដែលមានទីតាំងស្ថិតនៅអគារ City Tower។ ការដាក់ឲ្យដំណើរការនៃការិយាល័យថ្មីនេះ គឺដើម្បីឆ្លើយតបទៅតាមប្រតិបត្តិការរបស់ក្រុមហ៊ុនដែលមានភាពរីកចម្រើន និងចំនួនបុគ្គលិកកើនឡើងជាលំដាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិធីបើកសម្ពោធការិយាល័យថ្មីនេះបានប្រព្រឹត្តិទៅយ៉ាងរលូន និងប្រកបទៅដោយសេចក្ដីសោមនស្សរីករាយដោយមានការអញ្ញើញចូលរួមពីសំណាក់គណៈគ្រប់គ្រង និងក្រុមការងារទាំងអស់របស់ក្រុមហ៊ុន អ៊ី អេហ្វ ជី។
ចាប់តាំងពីឆ្នាំ២០០៥ ក្រុមហ៊ុន អ៊ី អេហ្វ ជី បានបន្ដចូលរួមចំណែកក្នុងការលើកស្ទួយដល់វិស័យ ចំណីរអាហារ និងភេសជ្ជៈ តាមរយៈការនាំយកនូវម៉ាកផលិតផលអន្ដរជាតិល្បីៗជាបន្ដបន្ទាប់មកកាន់ទីផ្សារកម្ពុជារួមមាន៖ ដឹភីហ្សា ខមផេនី (THE PIZZA COMPANY) ការ៉េមដេរីឃ្វីន (DAIRY QUEEN) នំដូហ្វណាត់ និងកាហ្វេគ្រីសស្ពីគ្រីម (KRISPY KREME) បាប៊ីឃ្យូផ្លាហ្សា (BAR B Q Plaza) ហាងការ៉េមស្វិនសិន (SWENSENS) ហើយកាលពីថ្មីៗនេះក្រុមហ៊ុនបានទទួលសិទ្ធិផ្ដាច់មុខក្នុងការបើកដំណើរការហាង ដឺ ឃូហ្វី ឃ្លឹប (The Coffee Club) ដំបូងគេនៅក្នុងកម្ពុជាផងដែរ។
គួរបញ្ជាក់ផងដែរថា ការិយាល័យកណ្ដាលថ្មីរបស់ក្រុមហ៊ុន អ៊ី អេហ្វ ជី មានទីតាំងស្ថិតនៅអគារ City Tower (ជាន់ទី៧) តាមមហាវិថី ម៉ៅសេទុង សង្កាត់ ផ្សារដេប៉ូទី១ ខណ្ឌទួលគោក រាជធានីភ្នំពេញ៕
Bong I.T