កូរ៉េខាងជើង៖ ស្ត្រីជនជាតិកូរ៉េខាងជើងម្នាក់អាចនឹងត្រូវជាប់គុកទារុណកម្មអស់មួយជីវិត ដោយសារគាត់ជួយសង្គ្រោះកូនៗចេញផុតពីគ្រោះអគ្គិភ័យឆេះផ្ទះ តែបែរជាមិនអាចយករូបថតរបស់មេដឹកនាំកូរ៉េខាងជើងចេញពីភ្លើងបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្រ្តីជាម្តាយជនជាតិកូរ៉េខាងជើងរូបនេះត្រូវរងការចោទប្រកាន់និងរងការគំរាមគំហែង ក្រោមការស៊ើបអង្កេតរបស់ក្រសួងសន្តិសុខរដ្ឋកូរ៉េខាងជើង បន្ទាប់ពីមានអគ្គិភ័យមួយបានឆាបឆេះនៅក្នុងផ្ទះមួយដែលចែកចេញជាពីរគ្រួសារនៅតំបន់ Onsong ខេត្ត Hamgyong ជិតព្រំដែនចិន។
ស្ត្រីរូបនេះត្រូវបានគេហាមឃាត់មិនឱ្យនាងទៅរកកូនៗរបស់នាងនៅមន្ទីរពេទ្យ ហើយក៏មិនអាចទទួលថ្នាំអង់ទីប៊ីយោទិចសម្រាប់ព្យាបាលពីការរលាកភ្លើងដែរ។ អ្នកជិតខាងដែលរស់នៅក្បែរនោះក៏មិនហ៊ានជួយនាងដូចគ្នា ព្រោះខ្លាចត្រូវជាប់ទោស។
គួរបញ្ជាក់ផងដែរថា យោងតាមច្បាប់របស់ប្រទេសកូរ៉េខាងជើងគឺទាមទារឱ្យគ្រប់ផ្ទះដាក់តាំងផ្ទាំងរូបថតរបស់អតីតមេដឹកនាំរបស់ខ្លួនគឺលោក គីម អ៊ីលស៊ុង និង គីម ជុងអ៊ីល។ វាមានន័យថាការថែរក្សារូបថតរបស់មេដឹកនាំកូរ៉េខាងជើង គឺជាកាតព្វកិច្ចរបស់ប្រជាពលរដ្ឋនៅក្នុងប្រទេសនេះទាំងអស់។ ប្រជាជនកូរ៉េខាងជើងដែលអាចជួយសង្គ្រោះរូបថតអតីតមេដឹកនាំចេញពីទឹកជំនន់និងអគ្គិភ័យត្រូវបានគេគោពសរសើរដូចវីរបុរស។ ជាពិសេស ប្រសិនបើពួកគេត្រូវស្លាប់បាត់បង់ជីវិតដោយសារធ្វើរឿងបែបនេះថែមទៀត៕