ស្មាតហ្វូន vivo V17 ទទួលបានការគាំទ្រខ្លាំងហួសក្តីរំពឹង!

ភ្នំពេញ៖ ក្រោយពីស្មាតហ្វូននៃត្រកូល V ម៉ូឌែល vivo V17 បានដាក់ឲ្យដំណើរការនៅលើទីផ្សារ អស់រយៈពេលប៉ុន្មានមកនេះ ឃើញថាចំនួនអតិថិជនដែលបានធ្វើការកុម្ម៉ង់ទុកមុន ទៅលើស្មាតហ្វូន V17 មានចំនួនច្រើន ហើយនឹងអតិថិជនដែលបានមកធ្វើការជាវផ្ទាល់ កើនឡើងខ្ពស់ហួសពីក្ដីរំពឹងទុក។ អ្វីដែលទាក់ចិត្តនឹងធ្វើឲ្យអតិថិជននៅតែអ្នកគាំទ្រ នឹងបន្តធ្វើការជាវទៅលើស្មាតហ្វូន V17 ដោយសារតែការរចនាមានភាពប្លែក បញ្ចេញនូវបែបបទថ្មី បច្ចេកវិទ្យាកាន់តែមានភាពជឿនលឿន ហើយសំបូរបែបទាន់នឹងសម័យកាល នាមនុស្សសម័យថ្មី។ បើធៀបទៅនឹងស្មាតហ្វូនដ៏ទៃ ដែលមានតម្លៃខ្ទង់ $300 ជាងដូចគ្នាស្មាតហ្វូន vivo V17 ពិតជាមានសមត្ថភាពខ្ពស់ ដែលអ្នកទាំងអស់គ្នាអាចធ្វើការពិចារណាបាន។

ចំពោះស្មាតហ្វូន V17 នេះមានតួខ្លួនស្រោបផ្ទៃខាងក្រោយ ហើយនឹងគែមសងខាងប្រើប្រាស់ដោយប្លាស្ទិច។ ហើយវាក៏ត្រូវបានធ្វើការឌីហ្សាញ នូវប្រព័ន្ធកាមេរ៉ាខាងក្រោយបែបថ្មីមានរាងអក្សរ L ដាំបញ្ឈរនៅជិតគែមខាងឆ្វេង រំលេចដោយកែវលែនកាមេរ៉ាចំនួន ៤ គ្រាប់ និងអមជាមួយអំពូលភ្លើង LED Flash ពីរគ្រាប់។ ស្មាតហ្វូន Vivo V17 គឺបានបំពាក់មកជាមួយប្រភេទអេក្រង់ Ultra O Screen  មានទំហំអេក្រង់ 6.44 អ៊ីញ ហើយបានបំពាក់នូវបច្ចេកវិទ្យា Super AMOLED ផងដែរ។ ផលធៀបអេក្រង់របស់ស្មាតហ្វូន vivo V17 គឺ 20:9 និងអត្រាអេក្រង់ទៅរាងទាំងមូលគឺ 91.38% និងទ្រទ្រង់ការបង្ហាញចេញក្នុងកម្រិត Full-HD+ ទំហំ 1080x2400 ភិចសែល។ vivo V17 មានកញ្ចប់លែនកាមេរ៉ា ៤ គ្រាប់ដែលជាលែន AI ដែលធ្វើឲ្យការថតរូបកាន់តែមានភាពស្រស់ស្អាត។

ស្មាតហ្វូននេះ ប្រើប្រាស់សែនស័រផ្តិតរូបភាពទំហំធំដល់ទៅ 48MP ជាមួយកម្រិត aperture f/1.8 មានសមត្ថភាពក្នុងការផលិតរូបភាពបានច្បាស់ល្អ ជាមួយសាច់រូបភាពច្បាស់ ស្រស់ស្អាតបែបធម្មជាតិ។​​ កាមេរ៉ានេះ អាចផលិតសាច់វីដេអូរបស់វា គឺអាចធ្វើបានត្រឹមកម្រិត 1080p@30fps វាមានមុខងារមួយហៅថា «Ultra-Stable Video» ជាជំនួយដល់ការទប់លំនឹង និងសាច់វីដេអូ មិនអាចរលកញាក់ញ័រខ្លាំងនៅពេលយើងដើរ ឬរក្សាលំនឹងដៃមិនល្អកំឡុងពេលកាន់ថត។ សម្រាប់កាមេរ៉ាគ្រាប់ទី ២ គឺជា Super wide-Angle lens មានទំហំ 8.0MP ជាមួយកម្រិត aperture f/2.2 និងថតរូបប្លង់ទូលាយបានក្នុងកម្រិតមុំ ១២០ ដឺក្រេ រីឯលែនពីរគ្រាប់ទៀតមានទំហំ 2.0MP ជាមួយកម្រិត aperture f/2.4 ដូចគ្នា ដោយមួយគ្រាប់ជាប្រភេទ Macro Camera ប្រើសម្រាប់ថតរូបភាព វត្ថុដែលនៅគៀកបំផុតក្នុងរយៈចំងាយ 4cm ដោយប្រើនូវមុខងារ Super Macro និងមួយគ្រាប់ទៀតជា Depth Sensor Lens សម្រាប់ផលិតរូបភាពព្រាលផ្ទៃខាងក្រោយវត្ថុ ដោយប្រើនូវមុខងារ Bokeh។   

កាមេរ៉ាសែលហ្វីវិញ គឺមានទំហំ 32MP មានកម្រិត aperture f/2.45 អាចផលិតសាច់រូបភាពបានច្បាស់ ព្រមទាំងអាចថតរូបព្រាលផ្ទៃវត្ថុបានដាច់ស្អាត ថែមទៀតផង ហើយក៏មានមុខងារ Night Mode, AR Sticker, HDR និង Beauty Face សម្រាប់ជំនួយឲ្យការថតរូប និងវីដេអូបានកាន់តែស្អាត ថែមមួយកម្រិតទៀតផងដែរ។ ស្មាតហ្វូន V17 ប្រើបន្ទះឈីប Snapdragon 675 AIE-11nm  ជាមួយរ៉េមទំហំ 8GB និងមានអង្គផ្ទុកទិន្នន័យស្រាប់ទំហំដល់ 256GB ជាមួយ microSD។ បន្ទះឈីប Snapdragon 675 AIE-11nm ដំណើរការដោយប្រព័ន្ធ octa-core ដែលរចនាមកមានទំហំ  2*Kryo Gold2.0GHz，6*Kryo Silver 1.7GHz។

ស្មាតហ្វូនជំនាន់ថ្មីមួយនេះ ប្រតិបត្តិការដោយ Funtouch OS9.2 ដែលទ្រទ្រង់ដោយ Android 9.0 ។ vivo V17 មានថ្មទំហំ 4,500mAh ដែលមានលទ្ធភាពគ្រប់គ្រាន់ ក្នុងការកំដរដល់ការប្រើប្រាស់បែបអ្នកលេងបានជិតមួយថ្ងៃ និងប្រើប្រាស់សម្រាប់មុខងារកម្សាន្តទូទៅ បានជាងមួយថ្ងៃដោយឥតបញ្ហា។ ថ្មរបស់វា ក៏ទ្រទ្រង់ជាមួយបច្ចេកវិទ្យាសាកល្បឿនលឿន Dual-Engine Fast Charging កំលាំង 18W តាមរយៈរន្ធដោតប្រភេទ USB Type-C ដូចនេះ យើងចំនាយពេលសាកថ្មតិច តែប្រើប្រាស់កម្សាន្តបានរយៈពេលយូរ។ ចំពោះស្មាតហ្វូន vivo V17 ត្រូវបានក្រុមហ៊ុនប្រកាសដាក់លក់ជាមួយនឹងតម្លៃ 369 ដុល្លារតែប៉ុណ្ណោះ៕