អូស្រ្តាលី៖ សត្វអូដ្ឋបូកពីរជាច្រើនក្បាលនៅអូស្ត្រាលីខាងត្បូង នឹងត្រូវគេសម្លាប់ចោល ដើម្បីកាត់បន្ថយបរិមាណទឹកដែលពួកវាផឹក ព្រោះក្នុងស្ថានភាពពេលនេះជារដូវរាំងស្ងួតដែលកំពុងខ្វះខាតទឹក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសត្វអូដ្ឋជាង ១០,០០០ក្បាល នឹងត្រូវបាញ់សម្លាប់ ដោយអ្នកជំនាញខាងបាញ់កាំភ្លើងពីលើឧទ្ធម្ភាគចក្រដែលនឹងចាប់ផ្តើមឡើងនៅថ្ងៃពុធនេះ ដើម្បីកុំឱ្យពួកវាផឹកទឹកច្រើនពេកនៅតាមតំបន់ភាគខាងត្បូងនៃប្រទេសអូស្រ្តាលី ដែលកំពុងរងគ្រោះដោយគ្រោះរាំងស្ងួត។
អាចជាហេតុផលមួយទៀត គឺដោយសារពួកគេមានក្តីបារម្ភថា សត្វកំពុងតែបង្កឲ្យមានការឡើងកំដៅផែនដី ដោយសារតែពួកវាបញ្ចេញនូវឧស្ម័នមេតានស្មើនឹងមួយតោនកាបូនឌីអុកស៊ីតក្នុងមួយឆ្នាំ។
លោកស្រី Marita Baker សមាជិកក្រុមប្រឹក្សាភិបាលបានប្រាប់ទៅសែត The Australian ថា “ យើងកំពុងរស់នៅទាំងសភាពក្តៅខ្លាំង និងមិនមានផាសុកភាពឡើយ ព្រោះសត្វអូដ្ឋជាច្រើនបានបំផ្លាញរបង ហើយខ្លះចូលក្នុងផ្ទះដើម្បីរកទឹកតាមរយៈចំហាយម៉ាស៊ីនត្រជាក់”។
អ្នកនាំពាក្យមន្ទីរបរិស្ថាននិងទឹករបស់តំបន់ភាគខាងត្បូងអូស្ត្រាលីបាននិយាយថា ការកើនឡើងនូវចំនួនសត្វអូដ្ឋបានបង្កបញ្ហាជាច្រើននៅក្នុងតំបន់។ ខណៈសត្វអូដ្ឋខ្លះស្លាប់ដោយសារការស្រេកទឹកឬជាន់គ្នាដើម្បីផឹកទឹក ។ ក្នុងករណីខ្លះសត្វអូដ្ឋងាប់ បានបំពុលប្រភពទឹកនិងកន្លែងធ្វើកសិកម្មសំខាន់ៗទៀត។
ចំនួនសត្វអូដ្ឋត្រូវបានប៉ាន់ស្មានថាមានរហូតដល់ទៅ ១,២ លានក្បាលនៅអូស្ត្រាលី គេនឹងត្រូវចំណាយពេល ៥ ថ្ងៃ ដើម្បីសំលាប់អូដ្ឋ១ម៉ឺនក្បាល ចំណែកសាកសពរបស់អូដ្ឋទាំងនោះ នឹងត្រូវទុកហាលថ្ងៃ មុនពេលគេយកវាទៅដុតឬកប់៕