អេស្ប៉ាញ៖ បើតាមសេចក្ដីរាយការណ៍បានឲ្យដឹងថាក្លិប Real Madrid កំពុងតែរៀបចំក្នុងការចំណាយលុយ ៦៨លានផោនដើម្បីទិញយកខ្សែប្រយុទ្ធជម្រើសជាតិអាល្លឺម៉ង់ពីក្លិប RB Leipzig កីឡាករ Timo Werner។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចូលលេងបាន២៩ប្រកួតទាំងឲ្យក្លិប និងក្រុមជម្រើសជាតិនៅរដូវកាលនេះ ខ្សែប្រយុទ្ធវ័យ២៣ឆ្នាំ Timo Werner រកបានដល់ទៅ២៤គ្រាប់ និងកំពុងតែជាគោលដៅរបស់ក្លិបយក្សអង់គ្លេសចំនួន២គឺ Chelsea និង Liverpool។
យ៉ាងណាមិញ បើតាមការចុះផ្សាយរបស់កាសែត El Desmarque អ្នកចាត់ការទូទៅរបស់ Real Madrid លោក Zinedine Zidane កំពុងតែស្វែងរកខ្សែប្រយុទ្ធមកកាន់កីឡដ្ឋាន Bernabeu បន្ថែមដើម្បីបង្កើតគុណភាពនៃការប្រយុទ្ធរបស់ក្រុម ខណៈ Werner ក៏ជាបេក្ខភាពមួយសំខាន់របស់អ្នកចាត់ការទូទៅសញ្ជាតិបារាំងផងដែរ។
អតីតខ្សែប្រយុទ្ធរបស់ក្លិប Stuttgart រូបនេះទើបតែបន្តកុងត្រាថ្មីជាមួយក្លិបរបស់គេ RB Leipzig ប៉ុន្តែប្រភពខាងលើបានឲ្យដឹងថាបើតាមគម្រោងនៃតម្លៃដែល Real Madrid គ្រោងដាក់សុំទិញ Werner គឺវាពិតណាស់ទៅហើយដែលអាចនាំយកខ្សែប្រយុទ្ធកំពុងឡើងជើងរូបនេះទៅលេងនៅទឹកដីអេស្ប៉ាញ។
គួរឲ្យដឹងដែរថា លោក Zidane មិនគាប់ប្រសើរក្នុងការទិញខ្សែប្រយុទ្ធនោះទេកាលពីទីផ្សាររដូវក្ដៅកន្លងទៅ ដោយបានចំណាយលុយដល់ទៅ៦០លានអឺរ៉ូដើម្បីទិញកីឡាករ Luka Jovic ពី Eintracht Frankfurt ប៉ុន្តែខ្សែប្រយុទ្ធរូបនោះហាក់មិនទាន់អាចបង្ហាញទម្រង់លេងឲ្យសមនឹងតម្លៃខ្លួននៅឡើយ៕
ប្រភព៖ SportsMole