ភ្នំពេញ៖ បច្ចុប្បន្ននេះ តារាចម្រៀងប្រុសដ៏មានប្រជាប្រិយភាព កែវ វាសនា ហាក់ដូចជាកាន់តែកាក់កបខ្លាំងនៅក្នុងមុខជំនួញរកស៊ី ជីវិតកាន់តែប្រែជាឡូយឆាយ ខណៈពេលដែលគ្រួសារកាន់តែមានក្តីសុខ និងសុភមង្គលកាន់តែខ្លាំងឡើងពីមួយថ្ងៃទៅមួយថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែងឆ្នាំ២០២០ទើបតែចូលមកដល់ប៉ុន្មានថ្ងៃនេះទេ តែពេលនេះតារាប្រុសរូបនេះបានជូនកាដូថ្មីដល់ខ្លួនឯងភ្លែត ជាមួយនឹងរថយន្តថ្មីស៊េរីទំនើបពណ៌ស យ៉ាងថ្មីសន្លាង lexus 570 ភ្លែតដើម្បីជិះលេងនៅក្នុងឆ្នាំថ្មី ពេលវេលាជ័យហេងដល់លោក និងគ្រួសារ។
មិនត្រឹមតែប៉ុណ្ណោះនៅក្នុងនោះ គេក៏បានដឹងថាតារាប្រុសរូបនេះ ហ៊ានចំណាយលុយជាង១០ម៉ឺនដុល្លារ ដើម្បីប្តូររថយន្តដ៏ថ្មីមួយនេះ នៅដើមឆ្នាំថ្មីនេះ តាមរយៈញើសឈាមរបស់ខ្លួនដែលខំរកទាំងយប់ទាំងថ្ងៃ។
ទន្ទឹមនឹងនេះដែរ មហាជនជាច្រើនពិតជាសរសើរដល់លោកយ៉ាងខ្លាំង ដែលជីវិតកាន់តែស្រស់បំព្រងបែបនេះ ពិតជាគួរឲ្យសរសើរតែម្តង។
គួរបញ្ជាក់ផងដែរថា កែវ វាសនា និងប្រពន្ធ ទើបតែទិញផ្ទះក្នុងតម្លៃ ៨០ម៉ឺនដុល្លាររួច ហើយពេលនេះ ទិញឡានតម្លៃជាង១០ម៉ឺនមួយគ្រឿងទៀត ទុកជិះដើរលេងកម្សាន្ត តាមទីជិត ទីឆ្ងាយជាមួយនឹងក្រុមគ្រួសារ៕
សូមទស្សនារូបភាពខាងក្រោមនេះ៖