ហេតុអ្វីត្រូវរស់នៅដើម្បីផ្គាប់ចិត្តអ្នកដទៃ?

ពេលវេលាពិតជាមានតម្លៃណាស់សម្រាប់មនុស្សម្នាក់ៗ ដោយសារពេលវេលានៃជីវិតរបស់អ្នកពិតជាមានដែនកំណត់ ដូច្នេះចូរកុំខ្ជះខ្ជាយពេលវេលា ដោយរស់នៅដើម្បីផ្គាប់ចិត្តអ្នកដទៃ ព្រោះអ្នកមិនអាចផ្គាប់ចិត្ត និងតម្រូវចិត្តអ្នកដទៃបានគ្រប់រឿងទាំងអស់នោះទេ ដោយសារចិត្តគំនិត និងការគិតរបស់មនុស្សវាមិនដូចគ្នា។

តែអ្វីដែលសំខាន់នោះ គឺអ្នកត្រូវធ្វើអ្វីដែលវាជាភាពស្មោះត្រង់  ត្រឹមត្រូវ និងស្របច្បាប់​​ ចូរអ្នកធ្វើវាចុះ ព្រោះវានឹងធ្វើឲ្យអ្នកពេញចិត្ត មានសេចក្តីសុខ និងក្លាយជាមនុស្សម្នាក់ឯករាជ្យ រឹងមាំ ដែលវាជារឿងដែលល្អបំផុតសម្រាប់អ្នក។ ហើយរឿងមួយដែលអ្នកត្រូវយកចិត្តទុកដាក់នោះគឺការខិតខំប្រឹងជំនះក្នុងការធ្វើកិច្ចការអ្វីមួយ​ដោយការតស៊ូ និងកត់ត្រាគោលដៅដែលអ្នកចង់បាន ទើបធ្វើឲ្យអ្នកទទួលបានជោគជ័យ។