បើកឆាកឆ្នាំថ្មីភ្លាម នី រតនា ត្រូវប្រពន្ធSurprise ខ្សែដៃពេជ្រតម្លៃ.....ភ្លែត!

ភ្នំពេញ៖ គ្រាន់តែបើកឆាកដើមឆ្នាំថ្មីឆ្នាំ២០២០ភ្លាម តារាចម្រៀងប្រុសសម្លេងផ្អែម អតីតម្ចាស់ពាន់រង្វាន់កម្មវិធី «Cambodian’s Idol» លោក នី រតនា ក៏មានលាភចូលភ្លែត ដោយត្រូវបានភរិយាវ័យក្មេងរូបស្អាត ធ្វើការSurprise ឲ្យកាដូដ៏មានតម្លៃ ខ្សែដៃពេជ្រយ៉ាងធំ ព្រមទាំងមានឆ្លាក់ឈ្មោះប្តីនៅលើនោះថែមទៀតផង។

ជាការពិតណាស់ នេះបើយោងតាមការបង្ហោះ របស់ម្ចាស់ហាងពេជ្រល្បីឈ្មោះ សេង ចិន្តា បានឲ្យដឹងថា ខ្សែដៃពេជ្រដែលភរិយាលោក នី រតនា បានធ្វើជាកាដូជូនលោកសម្រាប់ឆ្នាំថ្មីនេះ គឺបានឆ្លាក់នូវឈ្មោះលោកនៅលើនោះ ដោយបានឡោមជាមួយនឹងគ្រាប់ពេជ្រធំល្មមជាច្រើនគ្រាប់ ហើយបើនិយាយពីតម្លៃវិញគឺមិនធម្មតាឡើយ ពោលគឺខ្សែដៃនេះមានតម្លៃរហូតដល់ទៅ ៦,១០០ដុល្លារអាមេរិកឯណោះ។

គួរឲ្យដឹងផងដែរថា នេះមិនមែនជាលោកទីមួយនេះទេ ដែលភរិយាវ័យក្មេងស្រស់ស្អាតរបស់លោក នី រតនា ជូនកាដូជារបស់ឲ្យលោក ហើយបច្ចុប្បន្ននេះ អ្នកទាំងពីរកំពុងតែរស់នៅយ៉ាងសោយសុខពោរពេញ​ទៅដោយសុភមង្គល ក្នុងជីវិតគ្រួសារតូច បើកអាជីវកម្មផ្ទាល់ខ្លួនយ៉ាងកាកកប និងជាពិសេសអ្នកទាំងពីរ កំពុងរំភើបចិត្តរងចាំទទួលស្វាគមន៍កូនដំបូង ក្នុងពេលឆាប់ៗខាងមុខនេះផងដែរ៕