សិង្ហបុរី៖ គេហទំព័រសារព័ត៌មាន Sin Chew Daily បានរាយការណ៍ថា សិស្សបឋមសិក្សាថ្នាក់ទី៦ម្នាក់ បានក្លាយជាអ្នកសាក់រូបក្មេងជាងគេនៅប្រទេសសិង្ហបុរី និងសាក់ឱ្យអតិថិជនបានជាង ១២ នាក់មកហើយកាលពីឆ្នាំ២០១៩កន្លងទៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សLilith Siow បានប្រាប់គេហទំព័រសារព័ត៌មាន Sin Chew Daily ថានាងបានរៀនសិល្បៈនេះពីឪពុករបស់នាងឈ្មោះ Joseph ដែលបើកអាជីវកម្មសាក់រូបនៅហាជីឡេន អស់រយៈពេលជាង ២០ ឆ្នាំមកហើយ។
ក្មេងស្រីវ័យ ១២ឆ្នាំរូបនេះបានចំណាយពេលចុងសប្តាហ៍និងថ្ងៃវិស្សមកាល ដើម្បីរៀនពីឪពុករបស់នាងហើយអាចរៀនចេះជំនាញនេះត្រឹមរយៈពេល ៦ ខែប៉ុណ្ណោះ។
នាងបាននិយាយថា អតិថិជនដំបូងរបស់នាងគឺជាមិត្តម្នាក់របស់ឪពុកនាង ដែលចង់សាក់រូបតុក្កតា។ Lilith បានសារភាពថា លើកដំបូងនាងពិតជាភ័យណាស់ ហើយបានចំណាយពេលដល់ទៅ៩០នាទី ដើម្បីបញ្ចប់ស្នាមសាក់មួយ។
នាងបាននិយាយថា"ដំបូងឡើយខ្ញុំពិតជាខ្លាច” យើងអាចលុបគំនូរនៅពេលដែលយើងគូរមិនស្អាត តែបើយើងសាក់រួចហើយគឺនឹងជាប់អស់មួយជីវិត។
ទោះជាយ៉ាងណាក៏ដោយ ការអនុវត្តបានធ្វើឱ្យក្មេងស្រីរូបនេះទទួលបានលទ្ធផលល្អប្រសើរជាងមុន ហើយនាងបានសាក់ដល់អតិថិជនជាងដប់នាក់រួចមកហើយចាប់តាំងពីពេលនោះមកទល់ឥឡូវ។
នាងបានបន្តទៀតថា ការចាក់សាក់គឺប្រៀបបានដូចជា “សិល្បៈនៃការគូរគំនូរ” ប៉ុន្តែមានមនុស្សជាច្រើនយល់ច្រឡំថាមនុស្សដែលមានសាក់គឺជាមនុស្សមិនល្អទៅវិញ។
ឪពុករបស់នាងបាននិយាយថា គាត់នឹងបន្តបណ្តុះបណ្តាលនិងបង្រៀន Lilith ដើម្បីបង្កើតម៉ូដសាក់ថ្មី ហើយក៏គ្រោងនឹងទិញម៉ាស៊ីនសាក់ដែលស្រាលជាងមុនសំរាប់នាងផងដែរ៕