ទើបដឹងថា បច្ចុប្បន្ន ក្មេងស្រីៗនៅថៃ ចង់កែមុខ តាម Kao ភាគច្រើន

ថៃ៖ តារានាពេលបច្ចុប្បន្ន ពិតជាច្រើនរាប់ភ្លេច ដែលចូលប្រឡូកក្នុងសិល្បៈ បន្តកន្ទុយគ្នាឥតដាច់ តែប្រជាប្រិយភាពរបស់ តារាស្រីថៃ Kao នៅតែទទួលបានការចាប់អារម្មណ៍ពីហ្វេនដដែល ជាមួយនឹង​រូបសម្រស់​និងសមត្ថភាព ក្នុងការសម្តែងរបស់នាង។

អ្វីដែលសំខាន់ គឺតាមប្រភព័ត៌មានថៃមួយ បានទម្លាយថា​សម្រស់របស់នាង ត្រូវបាន នារីភាគច្រើន​ចង់កែសម្ផស្សច្រើនជាងគេបំផុត។ ក្នុងនោះ គ្រូពេទ្យថៃមួយ សុំមិនបង្ហាញឈ្មោះ បានប្រាប់និយាយប្រាប់ សារព័ត៌មាន​ថា យុវវ័យ តែងតែស្នើសុំ ឲ្យខាងមន្ទីរពេទ្យ កែមុខដូចនាងណាស់​ព្រោះទម្រង់មុខនាង មិនមែន​វែង ឬខ្លីទេ​គឺបែបលក្ខណៈសាមញ្ញ តែមើលទៅទាក់ទាញខ្លាំង។ ជាពិសេស សូម្បីតែខ្ទង់ច្រមុះ ក៏មើលទៅ ផ្សេងខុសគេផងដែរ។

ជាមួយគ្នានោះដែរ គ្រូពេទ្យបានប្រាប់ថា ទម្រង់មុខ​និងច្រមុះ នាង គឺពិតជាពិបាកដូចខ្លាំងណាស់ តែពួកគេ នឹងព្យាយាមធ្វើយ៉ាងណាឲ្យ យុវវ័យដែលចង់កែតាមនាង ពេញចិត្ត ពេលត្រឡប់ទៅផ្ទះវិញ។