នូវែលសេឡង់៖ ក្មេងប្រុសអាយុ ១០ ឆ្នាំម្នាក់ត្រូវបានមន្ត្រីសន្ដិសុខ ឃាត់ខ្លួន និងមិនអនុញ្ញាតឲ្យធ្វើដំណើរបាន ដោយសារតែរូបនៅលើអាវរបស់គេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីពេលថ្មីៗកន្លងទៅនេះ ក្មេងប្រុសម្នាក់ឈ្មោះថា Stevie Lucas បានរួមដំណើរជាមួយគ្រួសាររបស់គេ ពីនូវែលសេឡង់ ទៅអាហ្រ្វិកខាងត្បូងក្នុងគោលបំណងទៅលេងជីដូនជីតារបស់គេនៅទីនោះ។ តែក៏ត្រូវមន្ត្រីសន្ដិសុខដែលមើលការខុសត្រូវនៅឯអាកាសយានដ្ឋាន Johannesburg ធ្វើការហាមឃាត់មិនឲ្យបន្តដំណើរបាន ដោយសារនៅលើអាវមានរូបពស់ធំមួយក្បាល ដែលអាចបង្កឲ្យអ្នករួមដំណើរផ្សេងទៀតមានការតក់ស្លុតបាន។
គួរបញ្ជាក់ផងដែរថា នេះជាលើកទី ៣ ហើយដែល Stevie Lucas បានធ្វើដំណើទៅកាន់អាហ្រ្វិកខាងត្បូង។ ទន្ទឹមនឹងនេះ ក្រុមគ្រួសាររបស់គេ ក៏បានអ៊ីមែលទៅក្រុមហ៊ុនអាកាសចរនៃប្រទេសអាហ្វ្រិកខាងត្បូងដើម្បីស្វែងរកការបកស្រាយ និងមូលហេតុឲ្យកាន់តែច្បាស់អំពីច្បាប់ដែលកំណត់លើសម្លៀកបំពាក់ផងដែរ៕