កាន់តែកាក់កប Baifern សុទ្ធតែទិញរថយន្ត ម៉ាកAudi ជូនប៉ាម៉ាក់ជិះលេង

ថៃ៖ ដូចដែលប្រិយមិត្តជាច្រើន បានស្គាល់រួចមកហើយពីកញ្ញា Baifern pimchanok ដែលជាតារាសម្ដែងស្រី ដ៏មានប្រជាប្រិយភាព ថែ​មទាំងមានរូបសម្ផស្ស ស្រស់ស្អាតខ្លាំងទៀតផង។

ដោយសារតែសមត្ថភាពសិល្បៈដ៏អស្ចារ្យ និងភាពលេចធ្លោផង បានធ្វើឲ្យ Baifern កាន់តែមានកេរ្ត៍ឈ្មោះល្បីល្បាញ ទទួលបានការងារធំៗមិនចេះដាច់។

ទន្ទឹមនឹងភាពជោគជ័យទាំងនេះ Baifern បានបំពេញតួនាទីជាកូនល្អ ដោយទិញរថយន្តម៉ាក់ Audi មួយគ្រឿងសេរ៊ីទំនើប តម្លៃកប់ពពកជាកាដូ ដល់លោកប៉ាអ្នកម៉ាក់ផងដែរ។​ នាឱកាសនោះដែរ តាមរយៈរូបថតដែល តារាស្រីរូបនេះ បានបង្ហោះក្នុងបណ្ដាញសង្គម ឃើញថាអ្នកមានគុណទាំង២របស់នាង សប្បាយរីករាយខ្លាំងណាស់ ញញឹមបិទមាត់មិនជិតតែម្ដង៕

លើសពីនេះ គ្រាន់តែឃើញបែបនេះភ្លាម មានហ្វេនៗជាច្រើន បានពេញចិត្ត និងសរសើរពីទឹកចិត្តដ៏ប្រពៃរបស់នាងគ្រប់គ្នា៕