ភ្នំពេញ៖ ពិតណាស់ថា សព្វថ្ងៃនេះ គ្រោះថ្នាក់ចរាចរណ៍ កំពុងក្លាយជាប្រធានបទដ៏ក្ដៅគគុក និងជារឿងកង្វល់មួយ ដែលប្រជាជនទាំងអស់ ភ័យខ្លាចចំពោះអ្នកដែល បើកបរមិនគោរពច្បាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ កាលពីយប់ម្សិលមិញ មានការភ្ញាក់ផ្អើលមួយពេញបណ្ដាញសង្គម បន្ទាប់ពីនារីជនជាតិខ្មែរ មានមុខមាត់ស្រស់ស្អាតមួយរូប បានជួបគ្រោះថ្នាក់ចរាចរណ៍យ៉ាងរន្ធត់មួយ ម្ដុំបឹងត្របែក ដោយត្រូវអ្នកបើកបរជនជាតិចិនមួយរូប ខ្វះការប្រុងប្រយ័ត្ននិងមិនគោរពច្បាប់ បានបើកមកប៉ះ បណ្ដាលឲ្យខ្ទេចមុខមាត់ ដ៏ស្រស់សោភា គ្មានសល់។
ជាមួយគ្នានេះដែរ តាមរយៈរូបថតជាច្រើនសន្លឹកដែល នារីមុខស្រស់រូបនោះបានបង្ហោះ គេឃើញថា ផ្ទៃមុខរបស់នាង ត្រូវបានរលាត់ចេញឈាមទាំងដុំៗ អមដោយសារថា៖
ដោយឡែក បន្ទាប់ពីឃើញបែបនេះភ្លាម ធ្វើឲ្យមិត្តៗក្នុងបណ្ដាញសង្គម បញ្ចេញមតិអាណិតដល់នារីវ័យក្មេងនេះគ្រប់គ្នា និងបានចែករំលែកតគ្នាយ៉ាងច្រើន ដើម្បីជាការក្រើនរម្លឹក ដល់អ្នកបើកបរទាំងអស់ឲ្យចេះគោរពច្បាប់ និងឲ្យតម្លៃអាយុជីវិតអ្នកដ៏ទៃផងដែរ៕