ខួបកំណើតឆ្នាំនេះ សុខ ពិសី ប្រារព្ធឡើងយ៉ាងសាមញ្ញ តែពោរពេញដោយក្ដីសុខ ទទួលបានកាដូមិនចេះតិច

ភ្នំពេញ៖ កញ្ញា សុខ ពិសី ដែលជាតារាចម្រៀងស្រី ដ៏ល្បីល្បាញមួយរូប ប្រចាំផលិតកម្មសាន់ដេ កាន់តែទទួលបានប្រជាប្រិយភាពខ្លាំងក្លា និងមានហ្វេនច្រើនខ្លាំងណាស់។

ទន្ទឹមនឹងនេះ សុខ ពិសី តែងបង្អួតពីជីវភាពក្រៅឆាកដ៏ហ៊ឺហា ព្រមទាំងចែករំលែកពីសកម្មភាពប្រចាំថ្ងៃក្នុងបណ្ដាញសង្គមឲ្យហ្វេនៗ បានដឹងជាប្រចាំ។ ជាក់ស្ដែង កាលពីពេលថ្មីនេះៗ តារាស្រីរូបនេះ បានប្រារព្ធពិធីខួបកំណើតរបស់ខ្លួន យ៉ាងសាមញ្ញ ខុសពីតារាផ្សេងៗ។

ក្នុងនោះដែរ ពិសី បានបង្ហោះរូបភាពជាច្រើនសន្លឹក បង្ហាញពី ទិដ្ឋភាពខួបកំណើតជួបជុំជាមួយគ្រួសារ មានលោកប៉ា និងបងប្អូន ព្រមទាំងមិត្តរួមអាជីពប៉ុន្មាននាក់ នៅគេហដ្ឋាន យ៉ាងស្ងប់ស្ងាត់ តែមើលទៅប្រកដដោយស្នាមញញឹម សប្បាយរីករាយក្រៃលែង។

យ៉ាងណាមិញ ទោះជាអាយុកាន់តែរំកិលទៅមុខតែ សុខ ពិសី បានថ្វើឲ្យមហាជនរាល់គ្នា​ សរសើរមិនដាច់​ពីមាត់ ពីសម្រស់ដ៏ស្រស់ស្អាត ស្ថិតស្ថេរ គ្មានចាស់តាមអាយុសូម្បីបន្តិច៕