រាជធានីភ្នំពេញ ៖ តារាសម្តែង និងជាពិធីការិនីដ៏លេចធ្លោ សុខ សោម៉ាវត្តី នៅតែបង្ហាញសកម្មភាពក្នុងពិភពសិល្បៈ ដើម្បីឆ្លើយតបការគាំទ្រ។ អ្នកនាងរមែងរំលេចការសម្តែង ដែលមើលទៅមានលក្ខណៈប្លែកៗ មិនថាតែជាតួកាច ឬកម្សត់ ក្រមិចក្រមើមនោះទេ គឺធ្វើបាន រហូតនៅតែជាតារាដ៏ពេញនិយម។ ក្នុងការសម្តែងទម្រង់ថ្មីមួយ សោម៉ាវត្តី បានធ្វើរឿងមួយ រហូតបង្កឱ្យកូនស្រីចាប់ផ្តើមភាន់ភាំងស្រឡាំងកាំងមិនតិចដងឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកនាង សុខ សោម៉ាវត្តី តាំងពីជួបស្នេហ៍ប្រុសក្មេង ជាកីឡាករបាល់ទាត់ លី វ៉ាហេទ មកឃើញថា និស្ស័យអ្នកទាំង២ត្រូវដង ត្រូវផ្លែគ្នាណាស់ ទាំងការងារ និងមុខជំនួញដែលកំពុងគិតថ្មីកំពុងតែដុះឡើង។ អ្វីដែលជាការកត់សម្គាល់ សុខ សោម៉ាវត្តីវិញ សម្រស់នៅតែរក្សាបានភាពស្រស់ស្អាត លែងសម្ងំក្នុងផ្ទះអង្គុយអោបទុក្ខស្នេហ៍ខកបំណងដូចមុនទៀត ឃើញតែសើចបង្ហាញអារម្មណ៍ល្អ ចំពោះអ្វីដែលទទួលបាន។
ដើម្បីពង្រឹងស្នាដៃការងារទាំងពិធីការិនី និងសម្តែងវិញ ឃើញថា នាងព្យាយាមនឹករកគន្លឹះ ថ្មីៗ ដើម្បីទទួលបានបទពិសោធន៍បន្តទៀត បើទោះជាសាច់រឿងខ្លះខុសឆ្ងាយពីធាតុពិត ពិបាកសម្របតាមក៏ដោយ។
ករណីក្នុងសាច់រឿងមួយ សុខ សោម៉ាវត្តី ត្រូវសម្តែងជាចរិកមនុស្សប្រុសធ្វើជាតួស្រីស្រឡាញ់ស្រី ចាប់អោបថើបមនុស្សស្រី អោយដូចពិត ទាំងនាងមិនធ្លាប់ឆ្លងកាត់សភាពបែបនេះ។
សុខ សោម៉ាវត្តី បានឱ្យដឹងថា ខ្លួនប៊ិះធ្វើឱ្យកូនស្រីភ្ញាក់ផ្អើល ពេលនាំទៅកន្លែងថត ហើយឃើញនាងថើបឱបមនុស្សស្រី កូនសួរថា «ម៉ាក់ៗមិចធ្វើចឹង!» ។ នាងប្រាប់ថា កូនដឹងថា ម៉ាក់ៗជាអ្នកសិល្បៈ ត្រូវតែហ៊ានសម្តែងឱ្យបាននោះ ទើបគេហៅថាតួសម្តែង។ ក្រោយពេលស្តាប់ហេតុផលក៏រសាយទៅវិញ។
អ្នកនាងថា រឿងដែលនាងសម្តែង ក្រោមចំណងជើងថា «ប្រពន្ធខ្ញុំស្រឡាញ់ស្រី» បានតម្រូវឱ្យលេងបែបតួមនុស្សប្រុស ហើយនេះជាលើកទី១ហើយ ដែលកម្រិតសម្តែងយកឱ្យខ្លាំង រហូតកូនស្រីចង់ភ័យព្រួយខ្លាចម្តាយស្រឡាញ់ស្រី៕
ប្រភព៖ កោះសន្តិភាព