ភ្នំពេញ៖ អ្នកណាមិនល្បីនោះ ថាតារាសម្តែង ម៉ាក សែនសូនីតា និង Miss Grand កម្ពុជា ២០១៩ កញ្ញាដេត ស្រីនាដ មុខដូចគ្នា ខណៈអ្នកទាំងពីរ មិនបានជាប់សាច់ឈាម និងស្គាល់គ្នាពីមុនមកសោះ ទើបតែពេលនេះ ដោយសារតែការនិយាយតៗគ្នា ថាមុខដូចគ្នា ទើបធ្វើឲ្យ ពួកគេ មានឱកាសបានជួបគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីម្សិលមិញនេះដែរ ឆ្លៀតពេលអ្នកទាំងពីរ កំពុងតែទាញប្រជាប្រិយភាព ពីហ្វេនខ្លាំងនោះ ពួកគេ ក៏បានថតរូបបែបគូជាមួយគ្នា មិនថា ម៉ូតសម្លៀកបំពាក់ ម៉ូតសក់ គឺតារាស្រីទាំង២នេះ បានធ្វើដូចគ្នាទាំងអស់។ ជាពិសេស គួបផ្សំ មុខដូចគ្នាបែបនេះទៀត សឹងតែធ្វើឲ្យគ្រប់គ្នា មើលភ្លែតដូចកូនភ្លោះបេះដាក់ ជាមួយនឹងស្នាមញញឹម បែបមន្តស្នេហ៍រៀងៗខ្លួនរបស់ពួកគេ។
គួរបញ្ជាក់ផងដែរ សម្រស់ទាំងពីរ ជាសម្រស់មិនបានកែសម្ផស្សអ្វីនោះទេ គឺសម្រស់បែបធម្មជាតិពិតៗ ដូច្នេះហើយ ទើបផលិតករ ឬបណ្តាក្រុមហ៊ុន ត្រូវការពួកគេ មិនដែលអាក់ខាននោះទេ ឲ្យ ថត ឬផ្សព្វផ្សាយ ផលិតផលផ្សេងៗ៕