ភ្នំពេញ៖ សិស្សានុសិស្សនៃសាលាអន្តរជាតិ អាយ ស៊ី អេស បានឈ្នះមេដាយ ១២១គ្រឿង នៃ កម្មវិធីពានរង្វាន់សិស្សពូកែពិភពលោក
(មេដាយមាស ៥២គ្រឿង និងមេដាយប្រាក់ ៦៩គ្រឿង) ពីការប្រកួតជាច្រើនដំណាក់កាលនៅប្រទេសកម្ពុជា
ប្រទេសអូស្រ្តាលី ប្រទេសហូឡង់ និងសហរដ្ឋអាមេរិក លើមុខវិជ្ជា៖
១. ពិភាក្សា និងវែកញែក
២. វិទ្យាសាស្រ្ត
៣. បច្ចេកវិទ្យា
៤. ប្រវត្តិសាស្រ្ត
៥. សិក្សាសង្គម
៦. អក្សរសាស្ត្រភាសាអង់គ្លេស។
សិស្សសាលាអន្តរជាតិ អាយ ស៊ី អេស ចំនួន២៨នាក់ បានឈ្នះមេដោយសរុប៩០គ្រឿង (មេដាយមាស ៤១គ្រឿង និងមេដាយប្រាក់ ៤៩គ្រឿង) ក្នុងការប្រកួតប្រចាំតំបន់ (Regional Round)។ បន្ទាប់មកសិស្សានុសិស្សចំនួន១២នាក់ បានបន្តចូលរួមប្រកួត វគ្គពិភពលោក (Global Round) នៅប្រទេសអូស្រ្តាលី និងប្រទេសហូឡង់ ដោយបានឈ្នះមេដាយសរុបចំនួន២៣គ្រឿង (មេដាយមាស ៧គ្រឿង និងមេដាយប្រាក់ ១៦គ្រឿង) ផងដែរ។
លើសពីនេះសិស្សានុសិស្សចំនួន៤នាក់ បានបន្តចូលរួមប្រកួត វគ្គផ្តាច់ព្រ័ត្រពានជើងឯក (Tournament of Champions) នៅឯសាកលវិទ្យាល័យ Yale ទីក្រុងញូវយ៉ក សហរដ្ឋអាមេរិក ដោយទទួលបានមេដាយចំនួន ៨គ្រឿង (មេដាយមាស ៤គ្រឿង និងមេដាយប្រាក់ ៤គ្រឿង) កាលពីពេលថ្មីៗនេះ។
កម្មវិធី ពានរង្វាន់សិស្សពូកែពិភពលោក (World Scholar’s Cup 2019) ដែលមានសិស្សជាង១,៥០០នាក់ ពីបណ្តា ៨២ប្រទេសចូលរួម គឺជាកម្មវិធីលំដាប់ថ្នាក់ពិភពលោកមួយ ដែលបានរៀបចំឡើងក្នុងគោលបំណងទាក់ទាញសិស្សានុសិស្សឲ្យពួកគាត់មានភាពក្លាហានបង្ហាញនូវគំនិត បញ្ញា សា្មរតី ព្រមទាំងការពង្រឹងសមត្ថភាពជុំវិញបញ្ហា ដែលកើតមាននៅជុំវិញខ្លួនរបស់ពួកគេក្នុងពេលបច្ចុប្បន្ន និងមានកត្តិយសបង្ហាញមុខនៅលើឆាកអន្តរជាតិផងដែរ។
សម្រាប់ព័ត៌មានលំអិតសូមទាក់ទងសាលាអន្តរជាតិ អាយ ស៊ី អេស (សាខាចតុមុខ):
អគារលេខ 14 ផ្លូវលេខ 214 សង្កាត់បឹងរាំង
ខណ្ឌដូនពេញ ភ្នំពេញ
ទូរស័ព្ទ: 099 509 998 / 016 929 985 ឬសាលាអន្តរជាតិ អាយ ស៊ី អេស (សាខាកាល់ម៉ែត):
អគារលេខ 25 ផ្លូវលេខ 75 កែងផ្លូវលេខ 80 សង្កាត់ស្រះចក
ខណ្ឌដូនពេញ ភ្នំពេញ
ទូរស័ព្ទ: 099 509 997 / 016 929 975៕
គេហទំព័រ: www.ics.edu.kh
អ៊ីម៉េលៈ [email protected]
គេហទំព័រ FACEBOOK: ICS International Schoolp
Bong I.T