កូរ៉េខាងត្បូង៖ យោងតាមក្រុមអ្នកវិភាគកូរ៉េខាងត្បូងបានឲ្យដឹងថា ប្រទេសកូរ៉េខាងជើងអាចនឹងងាកទៅរកការបង្កហេតុដ៏គ្រោះថ្នាក់បន្ថែមទៀត នៅពេលដែលការទាមទាររបស់ខ្លួនមិនត្រូវបានឆ្លើយតបដោយសហរដ្ឋអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគេហទំព័រសារព័ត៌មាន Segye Ilbo របស់កូរ៉េខាងត្បូងបាននិយាយនៅថ្ងៃអង្គារនេះថា ប្រទេសកូរ៉េខាងជើងបានធ្វើសេចក្តីថ្លែងការណ៍សរុបចំនួន ១៧ ដាច់ដោយឡែកពីគ្នា ដើម្បីដោះស្រាយជាមួយគោលនយោបាយរបស់សហរដ្ឋអាមេរិក ចាប់តាំងពីមានការបែកបាក់នៃកិច្ចចរចានៅក្នុងប្រទេសស៊ុយអែតកាលពីខែតុលា។
សេចក្តីថ្លែងការណ៍នេះផងដែរក៏បានអំពាវនាវឱ្យមាន "ការសន្ទនាការទូត" ដែលមានប្រភពមកពីសមាជិកនៃក្រសួងការបរទេសរបស់ទីក្រុងព្យុងយ៉ាង។
លោក Kim Dong-yup អ្នកវិភាគជនជាតិកូរ៉េខាងត្បូងនៅសាកលវិទ្យាល័យ Kyungnam បាននិយាយថា ការសម្រេចចិត្តរបស់សហរដ្ឋអាមេរិកនឹងមានការបត់បែនតិចជាងមុន បន្ទាប់ពីកិច្ចប្រជុំក្រុមប្រឹក្សាសន្តិសុខរបស់សហរដ្ឋអាមេរិកដែលបានគ្រោងទុកនៅសប្តាហ៍នេះ។
គេហទំព័រសារព័ត៌មានមួយ បានរាយការណ៍កាលពីថ្ងៃអង្គារថា សហរដ្ឋអាមេរិកបាននឹងបន្តឃ្លាំមើលឧបទ្វីបកូរ៉េចំពោះសញ្ញានៃចលនាយោធាបន្ថែមទៀត។
ចាប់ពីថ្ងៃច័ន្ទដល់ថ្ងៃអង្គារនេះកងទ័ពអាកាសសហរដ្ឋអាមេរិកបានដាក់ពង្រាយយន្ដហោះ E-8C ដែលវាយប្រហារតាមគោលដៅនៃសញ្ញារ៉ាដានៅកម្ពស់ ៣៣,០០០ ហ្វីត៕