ធម្មជាតិបង្កើតក្តីស្រលាញ់មកឲ្យបុរស​ និងស្ត្រីដោយមិនអាចប្រកែកបាន។ ការពេញចិត្តមិនត្រូវបានកំណត់ថាបុរសជាអ្នកលង់ស្នេហ៍មុននោះឡើយ ព្រោះស្រ្តីក៏អាចនឹងទម្លាក់ផ្លែព្រួញចុះ ដែលងាយនឹងធ្លាក់ក្នុងអន្លង់ស្នេហ៍លើបុរសដូចគ្នា។ នេះជារឿងរ៉ាវ៥យ៉ាងដែលស្ត្រីងាយនឹងលង់ស្នេហ៍អ្នក៖

១. ស្គាល់អ្នក

សម្រាប់ស្ត្រី ការបង្កើតអនុស្សាវរីយ៍បន្តិចម្តងៗ ហើយកាន់តែស៊ីជម្រៅជាមួយនរណាម្នាក់ គេអាចនឹងឈានដល់ដំណាក់កាលលង់ស្នេហ៍លើអ្នកដកចិត្តមិនរួច ដោយមិនដឹងខ្លួន។ ផ្ទុយទៅវិញបុរសត្រូវការការទាក់ទាញដំបូងជាមុន ទើបលង់ស្នេហ៍ជាក្រោយ។

២. របៀបដែលអ្នកគិតអរម៉ូនអ៊ឹស្ត្រូសែនដែលត្រូវបានគេស្គាល់ថាជាអរម៉ូនភេទរបស់ស្ត្រី វាក៏ត្រូវបានផ្សារភ្ជាប់ទៅនឹងការរំញោចខួរក្បាលពិសេសមួយ។ វាជាផ្នែកមួយដែលធ្វើឲ្យស្រ្តីចង់ដឹង ចង់ឮពីសមត្ថភាពបុរសម្នាក់នោះ។ ជាឧទាហរណ៍ នាងអាចនឹងឆ្ងល់ថា៖ «តើយើងមានទស្សនៈស្រដៀងគ្នារឿងអនាគតដែរឬទេ? តើគាត់ចូលចិត្តសិល្បៈដូចខ្ញុំទេ? គាត់ឆ្លាតជាងខ្ញុំដែរអត់? ខ្ញុំត្រូវដឹងថាខ្ញុំអាចរស់នៅជាមួយនរណាម្នាក់ដែលមានឆន្ទៈស្វែងរកអត្ថន័យជីវិតជាមួយខ្ញុំ។»

៣. ជាដៃគូសន្ទនាដ៏ល្អគ្រាន់តែការចូលរួមការសន្ទនាធម្មតាលើប្រធានបទអ្វីមួយជាមួយនាង មនុស្សស្រីក៏ឆាប់ទន់ចិត្តលើអ្នកទៅហើយ។ វាជាក្តីរំភើបបំផុត នៅពេលដែលអ្នកឆ្លើយតបជុំវិញប្រធានបទ ណែនាំព្រមទាំងនិយាយលេងសើច ជាមួយនាងដោយបើកចំហរជាជាងផ្ចាញ់ផ្ចាល រឺចាប់កំហុស។

៤. ជាបុរសដែលអាចទុកចិត្តបានការទុកចិត្តគ្នាគឺសំខាន់បំផុត។ មនុស្សស្រីតែងបារម្ភ ថាតើម្នាក់នោះនឹងស្ម័គ្រចិត្តសាងសុភមង្គលជាមួយនាងរហូតទៅ រឺត្រឹមតែចូលក្នុងជីវិតនាងតែមួយឆាវទេ? នាងភ័យខ្លាច បុរសដែលតែងនិយាយថាស្រលាញ់នាង អាចនឹងបោះបង់នាង នៅពេលដែលសម្រស់របស់នាងមិនដូចដើម។ ផ្តល់ឳកាសឲ្យនាងចូលរួមសម្រេចចិត្តរឿងអ្វីមួយ? ចឹងមនុស្សស្រីតែងចង់ដឹងថាមនុស្សដែលពួកគេនៅជាមួយតើអាចទុកចិត្តបានហើយ រឺនៅ? អាចផ្គត់ផ្គង់គ្រួសារបានទេ ប្រសិនបើស្ថានការណ៍អាក្រក់ណាមួយនៅពេលអនាគតកើតឡើង?

៥. អាចធ្វើជាខ្លួនឯងនៅចំពោះមុខអ្នកនៅក្បែរបុរសសាមញ្ញម្នាក់ ដែលនាងមិនចាំបាច់ត្រូវរៀបចរិតលក្ខណៈជាមនុស្សផ្សេងម្នាក់ទៀត។ នាងមានក្តីរំភើប ព្រោះអាចធ្វើជាខ្លួនឯងនៅចំពោះមុខអ្នក។ មិនថាចំណុចមិនល្អ រឺភាពខ្វះខាតនានា នាងមិនចាំបាច់ត្រូវ បិទបាំងពេលនៅពីមុខអ្នក ហើយនាងនឹងលង់លើការបើកចិត្តទូលាយរបស់អ្នក។

បុរសៗបើបានយល់ហើយ បើកចិត្តទទួលយកនូវចំណុចទាំងនេះផងណា កុំព្រងើយកន្តើយនូវទថង្វើរបស់នាង ព្រោះនារីដែលអ្នកប្រាថ្នាអាចនឹងមានចំនុចទាំងនេះ៕

ប្រភព៖ Psych2Go

ប្រែសម្រួល៖​ ប៉ា សុខេង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ