ឥណ្ឌូនេស៊ី៖ ពីមួយថ្ងៃទៅមួយថ្ងៃប្រភេទសត្វដែលស្ទើតែដាច់ពូជមួយនេះ ត្រូវបានគេប្រទះឃើញស្លាប់ជាបន្តបន្ទាប់គ្នាដោយសារតែការប្រមាញ់របស់អ្នកស្រុកទាំងនោះ។

កាលពីថ្មីៗនេះដំរីញី ដែលមានអាយុ ២៥ ឆ្នាំមួយក្បាលត្រូវបានគេប្រទះឃើញដេកស្លាប់នៅក្នុងចំការដូងប្រេងមួយកន្លែងស្ថិតនៅតំបន់អាសេតា ភាគខាងកើតនៃប្រទេសឥណ្ឌូនេស៊ី។ សាកសពសត្វដំរីរងគ្រោះស្ថិតនៅក្នុងស្ថានភាពមានស្នាមអាករ និងមានស្នាមដាច់រលាត់ស្បែកទៀតផង។

គួរឲ្យដឹងផងដែរថា មុនពេលដែលករណីខាងលើកើតឡើងក្រុមភ្នាក់ងារអភិរក្សសត្វព្រៃក៏ធ្លាប់ប្រទះឃើញសាកសពដំរីឈ្មោលអាយុ ៤០ ឆ្នាំមួយក្បាលផ្សេងទៀត ដែលមានសភាពស្អុយរលួយ ត្រូវបានរកឃើញដោយកម្មករចម្ការនៅខេត្ត Riau លើកោះស៊ូម៉ាត្រា។ បញ្ហាមួយផ្សេងទៀតនៃការស្លាប់របស់ដំរីទាំងនេះ គឺដោយសារការកាប់បំផ្លាញព្រៃឈើដែលជាជម្រកធម្មជាតិរបស់ពពួកសត្វទាំងឡាយ និងការប្រើឧបករណ៍ទោចក្រយានដើម្បីកាប់បំផ្លាញយ៉ាងខុសច្បាប់។ ជាក់ស្តែងកាលពីប៉ុន្មានថ្ងៃមុនអ្នកស្រុកបានឲ្យដឹងថាមានដំរីប្រមាណ ៣ ទៅ ៤ ក្បាលបានចូលក្នុងភូមិមួយក្នុងខេត្ត Aceh ហើយបំផ្លាញផ្ទះអ្នកស្រុកអស់ចំនួន ២ខ្នង។

យ៉ាងណាមិញ ក្រសួងបរិស្ថានឥណ្ឌូនេស៊ីប៉ាន់ប្រមាណថានៅមានដំរីស៊ូម៉ាត្រានតិចជាង ២,០០០ ក្បាលប៉ុណ្ណោះដែលកំពុងស្ថិតនៅក្នុងព្រៃ៕

សាកសពដំរីញីដែលបានស្លាប់ដោយការបំពុល

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ