ព្រឹត្តិការណ៍ប្រណាំងម៉ូតូលើវាលរាបលើកទី៤ ជោគជ័យកាន់តែខ្លាំងខណៈកីឡាករ-ការិនី យល់កាន់តែច្បាស់ពីលក្ខន្តិកៈប្រកួត!

“ព្រឹត្តិការណ៍ប្រណាំងដែលដំណើររយៈពេល២ថ្ងៃនៅក្នុងទីលានអាកាសយានដ្ឋានវាលបែកចាន ក្រុងបាត់ដំបង ខេត្តបាត់ដំបង គឺបានបញ្ចប់ដោយភាពជោគជ័យកាន់តែខ្លាំងជាង៣លើកកន្លងមក ខណៈលើកទី៤នេះ កីឡាករ-កីឡាការិនីចូលរួមប្រណាំង និងក្រុមជាងបច្ចេកទេសយល់កាន់តែច្បាស់អំពីលក្ខន្តិកៈបច្ចេកទេសនៃច្បាប់ការប្រកួត ពិសេស គឺការចូលរួមសហការពីអាជ្ញាធរបានយ៉ាងល្អប្រសើ និងអ្នកទស្សនាចូលរួមគាំទ្រច្រើនកុះករដែលជាការចូលរួមលើកទឹកចិត្តអ្នកប្រណាំង”។

“ថ្វីដ្បិតពេលនេះ អត្តពលិកកីឡាករ-ការិនីប្រណាំងម៉ូតូកម្ពុជាយើងមិនទាន់ប្រជែងដណ្តើមបានលទ្ធផលល្អក្នុងវិញ្ញាសាប្រណាំងកម្រិតជំនាញខ្ពស់ដែលមានកីឡាករបរទេសចូលរួមជាមួយក្តី ប៉ុន្តែកម្រិតសមត្ថភាពនៃការប្រកួតប្រជែងគឺមានការអភិវឌ្ឍន៍រីកចំរើនខ្លាំងជាងឆ្នាំមុនៗ ពោលការប្រកួតប្រជែងមានភាពតានតឹងខ្លាំងមុននិងកីឡាករបរទេសទទួលបានជោគជ័យ។ជាមួយគ្នានោះ លោកក្នុងនាមក្រុមហ៊ុនKARA បានអំពាវនាអោយបណ្តាក្រុមហ៊ុនពាក់ព័ន្ធនិងវិស័យកីឡាយានយន្តសូមចូលរួមគាំទ្រឧបត្ថម្ភដល់កីឡាករ-ការិនីនៅក្នុងស្រុក ដើម្បីអោយកីឡាករយើងមានសក្តានុពលដូចកីឡាករមកពីបណ្តាប្រទេសជិតខាង និងក្នុងតំបន់។ លោក បានថ្លែងអំណរគុនដល់ក្រុមហ៊ុន TOTAL ដែលជាអ្នកឧបត្ថម្ភគាំទ្រធំ ក្រសួងបរិស្ថាន ក្រសួងទេសចរណ៍ និងបណ្តាក្រុមមួយចំនួនទៀតដែលបានជម្រុញឱ្យព្រឹត្តិការណ៍ប្រណាំងនេះបញ្ចប់ទៅដោយភាពជោគជ័យ”។

“នេះជាលើកទី១របស់ខ្ញុំមកប្រណាំងនៅកម្ពុជា ហើយខ្ញុំមើលឃើញថា ការរៀបចំព្រឹត្តិការណ៍ប្រណាំងរបស់កម្ពុជានេះពិតជាល្អប្រកបដោយស្តង់ដាអន្តរជាតិដូចប្រទេសម៉ាឡេស៊ីដែរ”។

“ថ្វីដ្បិតតែពេលនេះកីឡាករកម្ពុជាមិនទាន់ប្រជែងជាមួយកីឡាករបរទេសទទួលបានលទ្ធផលល្អក្តី តែលោក សង្ឈឹមថា ជំហានបន្តបន្ទាប់ទៀត កីឡាករកម្ពុជា និងរីកចំរើន។ សម្ភាសន៍ សម្ភីម៉ាឡេស៊ីនិយាយ នេះជាលើកដំបូងរបស់ខ្ញុំមកប្រកួតនៅលើទឹកដីកម្ពុជា ខ្ញុំមើលឃើញពីការរៀបចំល្អមានលក្ខណៈស្តង់ដាអន្តរជាតិដូចប្រទេសម៉ាឡេស៊ីដែរ។ថ្វីថ្បិតការប្រកួតនេះវាមិនទាន់មានកីឡាករបរទេសចូលរួមប្រកួតច្រើនដូចនៅប្រទេសថៃ និងវៀតណាមក្តី ប៉ុន្តែពេលខាងមុខ និងមានកីឡាករ-ការិនីចូលរួមប្រកួតច្រើនដូចគ្នា។ចំពោះកីឡាករវិញ ទោះបីពេលនេះពួកគាត់ពុំទាន់ទទួលបានលទ្ធផលល្អក្នុងវិញ្ញាសាប្រណាំងដែលមានពួកខ្ញុំ និងកីឡាករវៀតណាមប្រកួតក្តី តែខ្ញុំសង្ឈឹមជឿជាក់ថា ពួកគេ និងធ្វើបានល្អនៅពេលខាងមុខ”។

“នេះជាលើកទី៤ហើយដែលគេបានចូលរួមក្នុងព្រឹត្តិការណ៍ប្រណាំងកម្រិតអន្តរជាតិរៀបចំដោយក្រុមហ៊ុន KARA ហើយ គេរំពឹងជឿជាក់ថា ការប្រជែងជាមួយកីឡាករបរទេស និងផ្តល់បទពិសោធន៍ថ្មីបន្ថែមទៀតដល់ខ្លួន ដើម្បីពង្រឹងសមត្ថភាពឈានទៅដណ្តើមជោគជ័យការប្រណាំងនៅក្រៅស្រុកនៅពេលខាងមុខ”។