មិននឹកស្មានថា Sandara មានទ្រព្យសម្បត្តិវាល់លានដុល្លារ ច្រើនដល់ថ្នាក់នឹងទេ!

កូរ៉ខាងត្បូង៖ ទោះជា នាង Sandara Park ដែលជាអតីតសមាជិក ក្រុមតារាកូរ៉េដ៏ល្បី 2NE1 បានប្រឡូកក្នុងវិស័យសិល្បៈ យូរឆ្នាំមកហើយក្ដី តែកេរ្ត៍ឈ្មោះរបស់នាង នៅតែមានសម្រាប់ហ្វេនទាំងក្នុង និងក្រៅស្រុកដដែល។

អ្វីដែលពិសេស បើគិតមកដល់សព្វថ្ងៃនេះ Sandara មានវ័យ៣៥ឆ្នាំហើយ តែសម្រស់របស់នាងពិតជានៅតែស្រស់ស្អាត ក្មេងជាងវ័យដដែល ជាហេតុធ្វើឲ្យរូបនាង មានទីផ្សារការងារ មិនចាញ់ក្មេងស្រករក្រោយទេ។

បន្ថែមពីនេះដែរ  យោងតាមបញ្ជីរាយឈ្មោះ តារាK-Pop ដែលមានទ្រព្យសម្បត្តិច្រើនជាងគេ Sandara ក៏មានឈ្មោះក្នុងលេខរៀងទី៧ ក្នុងចំណោម៣០នាក់ផងដែរ។ ក្នុងនោះដែរ បើគិតត្រឹមឆ្នាំ២០១៨ ទ្រព្យសម្បត្តិប៉ាន់ស្មានរបស់ Sandara មានចំនួន១៦លានដុល្លារ ថែមទាំងកើនឡើងទ្វេដងរហូតដល់ ៣២លានដុល្លារឯណោះ នៅឆ្នាំ២០១៩។

គួរបញ្ជាក់ថា ទោះDara មិនសូវមានសកម្មភាពសិល្បៈ ដូចមុនក្ដី តែនាង មានមុខជំនួញធំៗក្នុងដៃជាច្រើន និងទឹកអប់ឈ្មោះ នាងផ្ទាល់ជាដើម។ ដោយឡែក Sandara ពិតជាសាកសមនឹងឈ្មោះជា តារាស្រីលំដាប់កំពូលពិតមែន ដែលមានទាំងទេពកោសល្យគ្រប់ផ្នែក និង សម្រស់ដ៏លេចធ្លោ៕