អុញ! បុគ្គលិកក្នុងហាងទ្រាំមិនបាន ព្រីនរូបបិទប្រកាស បន្ទាប់ពីនារីម្នាក់ ចេះតែលួចបេះដំណាប់ចេញពីលើនំបុ័ង

សិង្ហបុរី៖ នារីម្នាក់ បានលួចបេះដំណាប់ចេញពីលើនំបុ័ង (Topping) នៅហាងនំបុ័ងមួយកន្លែង ក្នុងផ្សារទំនើប Millenia Walk ប្រទេសសិង្ហបុរី ជាហេតុធ្វើឲ្យបុគ្គលិកក្នុងហាងទ្រាំមិនបានក៏ព្រីនរូបបិទប្រកាសតែម្តង។

ក្រោយពីបុគ្គលិកកត់សម្គាល់ឃើញថា នំបុ័ងចេះតែបាត់ដំណាប់ ក៏ទៅឆែកកាមេរ៉ាសុវត្ថិភាពមើល ទើបដឹងថា ជាដំបូងនារីម្នាក់បានធ្វើពុតជាយកនំបុ័ងដាក់ទៅលើថាស ហើយនាងក៏ឆ្លៀតឱកាសនោះបេះដំណាប់ចេញពីលើនំបុ័ង ដូចជាដំណាប់ម្នាស់ និងសាច់ជ្រូកជាដើម។ បន្ទាប់មកទៀត នាងបានដាក់នំបុ័ងទាំងអស់នោះចូលទៅក្នុងទូរកញ្ចក់វិញ។

បន្ទាប់ពីបានឃើញទង្វើចម្លែកបែបនោះរួចមក បុគ្គលិកបានព្រីនរូបចេញពីកាមេរ៉ាសុវត្ថិភាព រួចបិទប្រកាសនៅក្នុងហាង ដោយសរសេរដាស់តឿនជាភាសាចិន និងអង់គ្លេសថា៖

បើផ្អែកទៅលើរូបដែលថតចេញពីកាមេរ៉ាសុវត្ថិភាព គឺបានកើតឡើងកាលពីថ្ងៃទី១៨ ខែវិច្ឆិកា ឆ្នាំ២០១៩កន្លងទៅនេះ ហើយមកទល់ពេលនេះ រូបភាពនៅតែមានភាពល្បីល្បាញនៅលើបណ្ដាញសង្គមដដែល។

ចំពោះនំបុ័ងដែលបាត់ដំណាប់ គឺត្រូវបានបោះចោលទាំងអស់ ព្រោះវាគ្មានអនាម័យ ចៀសវាងបង្កមេរោគទៅដល់ភ្ញៀវ៕

សូមទស្សនារូបភាពខាងក្រោម៖