ខ្លោចចិត្ត! រូបថតប៉ុន្មានសន្លឹកបង្ហាញពីសត្វខ្លាឃ្មុំទឹកកកពីរក្បាលដណ្ដើមសំណល់ប្លាស្ទិកមកស៊ី

អាមេរិក៖ រូបថតជាច្រើនសន្លឹកបង្ហាញពីការប្រជែងគ្នារវាងសត្វខ្លាឃ្មុំពីរក្បាលដើម្បីដណ្ដើមសំណល់ប្លាស្ទិកយកមកស៊ី។ រូបថតទាំងនេះត្រូវបានថតដោយជាងថតរូបអាយុ៥៨ឆ្នាំម្នាក់គឺលោក Danny Sullivan មកពីរដ្ឋឡូសអាន់ជឺឡេស សហរដ្ឋអាមេរិក។ ដោយសារភាពស្រេកឃ្លាន កូនខ្លាឃ្មុំទឹកកកទាំងពីរបានចេញមករកចំណីក្នុងគោលបំណងប្រមាញ់សត្វឆ្មាសមុទ្រ។ លោក Sullivan បានឲ្យដឹងថារូបភាពទាំងនេះបានថតក្នុងកំឡុងខែតុលា នៅរដ្ឋអាឡាស្កា ហើយសំណល់ប្លាស្ទិកទាំងនោះក៏មិនត្រូវបានសត្វខ្លាឃ្មុំយកទៅស៊ីដែរបើសិនជាមនុស្សមិនបោះចោលផ្ដេសផ្ដាស។ បម្រែបម្រួលអាកាសធាតុបានធ្វើឲ្យសត្វខ្លាឃ្មុំទឹកកកទាំងពីរនេះធ្វើដំណើរឆ្ងាយដើម្បីស្វែងរកចំណី ហើយការបំពុលបរិស្ថានរបស់មនុស្សបានធ្វើឲ្យសត្វជាច្រើនរងការគំរាមកំហែងពីការប្រែប្រួលអាកាសធាតុ។ ខាងក្រោមជារូបភាពមួយចំនួនថតដោយលោក Danny Sullivan ៖