ភ្នំពេញ៖ តាមរយៈការរីកចម្រើនខ្លាំងនៃនាឡិកាដៃម៉ាក Ice-Watch នៅក្នុងប្រទេសកម្ពុជា លោក Jean-Pierre Lutgen នាយកក្រុមហ៊ុន Ice-Watch Global ក៏បានធ្វើដំណើរមកទស្សនាដោយផ្ទាល់ កាលពីថ្ងៃទី ០៦ ខែធ្នូ ឆ្នាំ ២០១៩ កន្លងទៅនេះ។ គួរបញ្ជាក់ថា លោកគឺជា CEO ហើយក៏ជាអ្នកស្ថាបនិកបង្កើតម៉ាកនាឡិកាដៃ ICE-WATCH ផងដែរ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោកបានធ្វើការកោតសរសើរប្រទេសកម្ពុជាដែលជាតំណាងចែកចាយផ្ដាច់មុខមួយរបស់ម៉ាកនាឡិកាដៃ ICE-WATCH ថា៖
« ថ្វីត្បិតកម្ពុជាមានប្រជាជនតិច និងសាខាចែកចាយតិចជាងប្រទេសផ្សេងក៏ដោយ ក៏ចំនួនលក់នៅកម្ពុជាបានហក់ឡើងគួរឲ្យកត់សម្គាល់ នេះដោយសារការរីកចម្រើនពីសេដ្ឋកិច្ច និង កម្រិតជីវភាពប្រជាជនមានភាពល្អប្រសើរជាងមុន » ។
ស្របពេលដំណើរទស្សនានេះ DJ Maily ដែលជា Local Brand Ambassador បានត្រៀមអំណោយមួយដែលជាផលិតផលខ្មែរជូនទៅដល់ CEO Ice-Watch ដែលនោះគឺជាក្រមា និង ផ្ទាំងគំនូររូបអង្គរវត្តដែលធ្វើដោយដៃពីសហគមន៍ជនពិការក្នុងខេត្តសៀមរាប។ ក្នុងពេលដែលប្រគល់អំណោយ Maily បានស្នើសុំឲ្យលោកក្នុងឆ្នាំក្រោយៗនេះ ផលិតនាឡិកាដែលទាក់ទងនឹងការថែរក្សាបរិស្ថាន ព្រោះបញ្ហាបរិស្ថានកំពុងខ្លាយជាការព្រួយបារម្ភរបស់ប្រជាជនជុំវិញពិភពលោក ។ មួយទៀតគឺនាឡិកាដែលទាក់ទងនឹងប្រទេសកម្ពុជា ហើយនេះក៏ជាមូលហេតុដែល Maily ជូនក្រមា និងរូបគំនូរអង្គរវត្តទៅដល់លោកផងដែរ៕
Bong I.T