ខេត្តស្ទឹងត្រែង ៖ បុរស​ម្នាក់​ត្រូវ​កម្លាំង​នគរបាល​ក្រុង​ស្ទឹង​ត្រែង​ចាប់ខ្លួន​ដោយ​ដាក់​ខ្នោះដៃ​ក្រោយ​រង​បណ្តឹង​ក្នុង​ករណី «​សេពសន្ថវៈ​លើ​ក្មេង​អនីតិជន​» យ៉ាង​រ៉ាំរ៉ៃ​ចាប់តាំងពី​នាង​អាយុ​៧​ឆ្នាំ​រហូត​ដល់​អាយុ​១៣​ឆ្នាំ ។

យោង​តាម​ការ​រៀបរាប់​របស់​ក្មេង​ស្រី​រង​គ្រោះ ក​.​ច​.​ស​.​យ ឆ្នាំ​នេះ​នាង​មាន​វ័យ​១៣​ឆ្នាំ រស់នៅ​ជាមួយ​គ្រួសារ​ម្តាយមីង និង​ឪពុកមា ស្ថិត​នៅ​សង្កាត់​ស្រះ​ឬ​ស្សី ក្រុង​ស្ទឹង​ត្រែង នាង​ថា​ដោយ​ការ​ទ្រាំ​លែង​បាន​ពី​ទ​ង្វើ​ល​របស់​បុរស​ជា​ឪពុកមា​ដែល​បាន​ចាប់បង្ខំ​នាង​រំលោភ​តាំងពី​នាង​មាន​អាយុ​៧​ឆ្នាំ គ្រា​ដែល​នាង​ចូល​មក​រស់នៅ​ជាមួយ​គ្រួសារ​នេះ ។

ជនសង្ស័យ​ឈ្មោះ សែន វី ភេទ​ប្រុស អាយុ​៤១​ឆ្នាំរ ស់​នៅ​ភូមិ​ថ្ម​លាត សង្កាត់​ស្រះ​ឬ​ស្សី ក្រុង​ស្ទឹង​ត្រែង​ត្រូវ​បាន​ឃាត់ខ្លួន​កាលពី​រសៀល​​ថ្ងៃ​ទី​៤ ខែធ្នូ ឆ្នាំ​២០១៩ ទាក់ទិន​ករណី​រំលោភ​សេពសន្ថវៈ​លើ​ក្មេង​ស្រី​អនីតិជន​មិន​ទាន់​គ្រប់​អាយុ ។

នាង​បន្ត​ថា នាង​ពុំ​ហ៊ាន​និយាយ​រឿងរ៉ាវ​នេះ​ប្រាប់​ទៅ​ម្តាយមីង​ដែល​ជា​ប្រពន្ធ​របស់​ឪពុកមា​នាង​នោះ​ទេ ព្រោះ​រង​ការ​គម្រាមកំហែង​ជា​បន្តបន្ទាប់​ក្រោយ​ឪពុកមា​ចាប់បង្ខំ​រំលោភ​ម្តង​ៗ ។ នាង​បន្ថែម​ថា ឪពុកមា​រូប​នោះ​មិន​បាន​បោះបង់​គំនិត​ដដែល​ៗ​នេះ​ឡើយ​ទើប​ទ្រាំ​លែង​បាន​ក៏​ទម្លាយ​រឿ​វ​រ៉ាវ​ទាំងនោះ​ប្រាប់​ទៅ​ម្តាយមីង ហើយ​ម្តាយមីង​ក៏​ទៅ​ប្រាប់​ម្តាយបង្កើត​ក្មេង​ស្រី​រង​គ្រោះ​រហូត​ឈាន​ដល់​ការ​ដាក់​ពាក្យបណ្តឹង​ទៅ​នគរបាល​ចុះ​ចាប់ខ្លួន​តែ​ម្តង ។

ស្ត្រី​ជា​ម្តាយ​ក្មេង​ស្រី​រង​គ្រោះ​បាន​បង្ហើប​ថា ដោយសា​រតែក​ក្តា​ជីវភាព​គ្រួសារ​របស់​គាត់​ជួប​ប្រទះ​ការ​ខ្វះខាត​គាត់​ក៏​បាន​ប្រគល់​កូនស្រី​របស់​ខ្លួន​នៅ​ពេល​នាង​មាន​អាយុ​៧​ឆ្នាំ​ឱ្យទៅ​គ្រួសារ​ប្អូន​បីបាច់​ថែរក្សា​រៀនសូត្រ និង​ជួយ​ធ្វើ​ការងារ​លក់ដូរ​ក្នុងផ្ទះ តែ​មិន​នឹក​ស្មានថា​ដូច​ទៅ​រង​ទុក្ខ​ដូច្នេះ​សោះ ។

ទោះបី​យ៉ាងណាមិញ​ជនសង្ស័យ​មិន​បាន​ឆ្លើយ​សារភាព​ពី​ទ​ង្វើ​របស់​ខ្លួន​ទេ ខណៈ​ក្មេង​ស្រី​រង​គ្រោះ​អះអាង​ថា ជនសង្ស័យ​បាន​ចាប់បង្ខំ​រំលោភ​នាង​អស់​រយៈពេល​៦​ឆ្នាំ​កន្លង​មកនេះ ។

អធិការរង​ក្រុង​ស្ទឹង​ត្រែង​លោក ប៉ា​ង ឡុ​ច ឱ្យ​ដឹង​ថា បន្ទាប់​ពី​មាន​បណ្តឹង​ភាគី​រង​គ្រោះ​កម្លាំង​អធិការដ្ឋាន​នគរបាល​ក្រុង​បាន​ចុះ​ឃាត់ខ្លួន​ជនសង្ស័យ​នាំ​ទៅ​កាន់​អធិការដ្ឋាន​ដើម្បី​សាកសួរ​ពាក់ព័ន្ធ​ករណី​ខាងលើ ។ ក្រោយ​ការ​ចាប់ខ្លួន​ជនសង្ស័យ​កម្លាំង​នគរបាល​បាន​សហការ​ជាមួយ​មន្ទីរ​កិច្ចការ​នារី​នាំ​ជន​រង​គ្រោះ​ទៅ​ពិនិត្យ​កោសល​វិ​ច្ច័​យ​នៅ​មន្ទីរពេទ្យ​បង្អែក​ខេត្ត​ដើម្បី​ទាម​ទារកភាព​យុត្តិធម៌​រាងខ្លួន ៕

ប្រភព​​​៖ កោះសន្តិភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]