ថៃ៖ កាលពីយប់មិញ តារាសម្ដែងស្រីលំដាប់ជួរមុខ ប្រចាំប្រទេសថៃ នាង Aum Patchrapa បានបង្កភាពភ្ញាក់ផ្អើលយ៉ាងខ្លាំង តាមរយៈកម្មវិធីខួបកំណើត ឆ្លងចូលវ័យ៤១ឆ្នាំ របស់នាងផ្ទាល់តែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសម្រាប់ពិធីខួបកំណើតឆ្នាំនេះ Aum បានប្រព្រឹត្តិឡើងយ៉ាងអធិកអធម ក្រោមវត្តមានរបស់តារាល្បីៗជាច្រើនចូលរួមអបអរសាទរ។ ក្នុងនោះគេឃើញការតុបតែងខ្លួនយ៉ាងប្លែកៗពីគ្នា ពោរពេញដោយសម្លេងសើចក្អាកក្អាយ មើលទៅសប្បាយរីករាយខ្លាំងណាស់។
អ្វីដែលគួរឲ្យចាប់អារម្មណ៍ ជាងនេះទៅទៀតនោះគឺ ទោះជាឈានចូលវ័យ ៤១ឆ្នាំ ហើយក៏ដោយ តែ Aum ពិតជានៅតែមានសម្រស់ស្រស់ស្អាតក្មេងជាងវ័យ គ្មានស្នាមជ្រីវជ្រួញអ្វីគួរឲ្យកត់សម្គាល់ឡើយ។
លើសពីនេះ តារាសម្ដែងជើងចាស់រូបនេះ កាន់តែមើលទៅលេចធ្លោ ក្នុងឈុតរ៉ូបពណ៌ស វាលក្លៀក បញ្ចេញសាច់សខ្ចីបន្ថែមភាពស៊ិចស៊ី ហើយស៊ីអារម្មណ៍មិនសមនឹងវ័យ៤១ឆ្នាំនោះទេ ធ្វើឲ្យហ្វេនៗឃើញហើយ មិនសរសើរមិនបាន៕
ចង់ដឹងថា ពិធីខួបកំណើតរបស់ Aum មានភាពប្លែកភ្នែកកម្រិតណា ទស្សនារូបភាពខាងក្រោម៖