ផ្ទុះសំណើច! អ្នកទេសចរដើរ​ធ្លាក់​ប្រឡាយ ព្រោះរវល់តែថតរូបពេក ពេលលិចទីក្រុង (មានវីដេអូ)

អ៊ីតាលី៖ ​វីដេអូមួយបានបង្ហាញពីអ្នកទេសចរម្នាក់ដែលបានដើរឆ្លងកាត់ទឹកជំនន់ក្នុងទីក្រុងវេនីសបន្ទាប់មកបានធ្លាក់ចូលក្នុងប្រឡាយ​។

វីដេអូដែលបានចែកចាយនៅលើបណ្តាញសង្គម Twitter បង្ហាញពីបុរសដែលមិនស្គាល់អត្តសញ្ញាណម្នាក់កំពុងកាន់ដងម៉ាស៊ីនថត​វែងមួយ ដែលមើលទៅហាក់ដូចជាកំពុងថតរូប ឬវីដេអូខ្លួនគាត់ផ្ទាល់។

យោងតាមប្រព័ន្ធផ្សព្វផ្សាយអាមេរិក Fox News បានអោយដឹងថា វីដេអូនេះត្រូវបានគេមើលជាង ៦លានដង ហើយ​អ្នកប្រើប្រាស់ Twitter ទាំងនោះបាន​បបញ្ចេញមតិយោបល់ផ្សេងៗគ្នា ដោយមានអ្នកខ្លះបានចែករំលែកហើយសរសេរថា “គាត់ប្រហែលជាអាចលង់ទឹក... ប៉ុន្តែគាត់នឹងមិនឲ្យទូរស័ព្ទនោះចូលទឹកទេ” ចំណែកអ្នកខ្លះទៀតបានសរសេរថា "គាត់ប្រហែលមិនដឹងថានៅទីនោះមានប្រឡាយទេ" ។

មិនថាវា​ជាការសំដែង ឬជាឧប្បត្តិហេតុពិតមែននោះទេ តែវាមើលទៅគួរអោយអស់សំណើចណាស់ ហើយស្របពេលជាមួយគ្នានោះក៏គ្រោះថ្នាក់ខ្លាំងណាស់ដែរ៕

Tourist in Venice, Italy ????????

I'm going to hell for laughing ???? pic.twitter.com/o6iWPa0zzu

— StanceGrounded (@_SJPeace_) November 25, 2019