មោទនភាពណាស់! កូនខ្មែរ ឱក ព្រហ្មសុដន្ត្រៈ អ្នករៀបរាប់របាំខ្មែរឲ្យពិភពលោកបានដឹងថ្ងៃមុន ឈ្នះពានរង្វាន់​Monette Horwitz Trust

ភ្នំពេញ៖ ដូចប្រិយមិត្តជាច្រើនប្រាកដជាបានដឹងហើយថា កាលពីពេលថ្មីៗនេះមានការផ្ទុះការសរសើរព្រោងព្រាតពេញបណ្តាញសង្គមហ្វេសប៊ុក ក្រោយលោកឱក ព្រហ្មសុដន្ត្រៈ ជាកូនខ្មែរមួយរូប បានធ្វើការបង្ហាញខ្លួននៅឡើងលើវេទិកា TED ធ្វើការសម្តែង និងរៀបរាប់បង្ហាញពីរបាំបុរាណរបស់ខ្មែរ ឲ្យជនបរទេសឲ្យបានស្គាល់។

មិនបានប៉ុន្មានផង ពេលនេះលោកក៏ស្រាប់តែទទួលបាននូវពានរង្វាន់មួយ ដែលធ្វើឲ្យមហាជនជាច្រើនពិតជារំភើបជំនួសលោក និងមោទនៈភាពយ៉ាងខ្លាំង ជាមួយនឹងពានរង្វាន់ឆ្នាំ២០២០ពីមូលនិធិ Monette Horwitz Trust ដែលលើកគោរព និងគាំទ្របុគ្គល សមាគមដែលមានឥទ្ធិពលខ្លាំងក្នុងការលុបបំបាត់ការរើសអើង ស្អប់មនុស្សស្រឡាញ់ភេទដូចគ្នា។។

ទន្ទឹមនឹងនេះដែរ បណ្តាអ្នកលេងបណ្តាញសង្គមជាច្រើនពិតជារំភើបជំនួសលោក ដែលទទួលបាននូវការពេញចិត្តពីមហាជន ជាពិសេសពេញចិត្តខ្លាំងចំពោះការបង្ហាញឲ្យពិភពលោកបានដឹង ពីសិល្បៈបុរាណខ្មែរ។

គួរឲ្យដឹងផងដែលថា ឱក ព្រហ្មសុដន្ត្រៈ គឺជាកូនខ្មែរ កើតនៅប្រទេសអាមេរិក បានប្រែមកជាស្ថាបនិកក្រុមហ៊ុនរបាំដំបូងគេនៅប្រទេសខ្មែរ និងត្រលប់រស់នៅស្រុកខ្មែរ ដើម្បីធ្វើការពង្រឹងវិស័យសិល្បៈបុរាណខ្មែរ ជាមួយនឹងការស្រលាញ់ពេញចិត្តខ្លាំង៕

សូមទស្សនារូបភាពខាងក្រោមនេះ៖