អ៊ីវ៉ា និងគ្រួសារ ធ្វើពិធីឧទ្ទិសបង្សុកូលកុសល ជូនអ្នកម្ដាយ គម្រប់ខួប៦ឆ្នាំ ក្នុងទឹកមុខដ៏ក្រៀមក្រំបំផុត

ភ្នំពេញ៖ កញ្ញា អ៊ីវ៉ា ដែលជាតារាចម្រៀងស្រី ប្រចាំផលិតកម្មសាន់ដេ កំពុងមមាញឹកជាមួយអាជីពសិល្បៈចម្រៀង សឹងតែរកពេលដកឃ្លាមិនចង់រួច។

ប៉ុន្តែព្រឹកមិញនេះ តារាស្រីតូចច្រឡឹងរូបនេះ បានឆ្លៀតពេលយកទេយ្យទាន បច្ច័យបួនទៅប្រគេនព្រះសង្ឃមួយអង្គ ដើម្បីឧទ្ទិសកុសលជូន ដល់អ្នកម្ដាយជាទីស្រលាញ់ បានចែកឋានទៅរយៈពេល៦ឆ្នាំមកហើយ។

ជាមួយគ្នានេះដែរ តាមរយៈរូបភាពជាច្រើនសន្លឹក គេបានឃើញថា អ៊ីវ៉ា និងក្រុមគ្រួសារ ប្រកដដោយទឹកមុខដ៏សោកសៅបំផុត ព្រោះតែរូបនាង ក្ដុកក្ដួលនឹកដល់ អ្នកម្ដាយកម្សត់ជាមិនខាន។

គួររម្លឹកផងដែរថា អ៊ីវ៉ា តែងតែឆ្លៀតពេល ទៅធ្វើបុណ្យឧទ្ទិសកុសល ព្រមទាំងយំនឹកនា ដល់ម្ដាយជានិច្ច៕

ចង់ជ្រាបច្បាស់ ទស្សនារូបភាពខាងក្រោម៖