អាមេរិក៖ ថ្មីៗនេះ ស្ត្រីជាម្ដាយម្នាក់នៅឯសហរដ្ឋអាមេរិក ភ័យរន្ធត់ស្ទើរធ្លាក់បេះដូង នៅពេលដែលឃើញខ្មោចអង្គុយក្បែរកូនរបស់ខ្លួន ក្នុងកាមេរ៉ាសុវត្ថិភាព។

នាង Leila ជាម្ដាយបានឲ្យដឹងថា នៅក្នុងថ្ងៃនោះ នាងបានទុកកូនចំនួន៤នាក់របស់នាង នៅជាន់ខាងក្រោមឲ្យមើលទូរទស្សន៍។ ចំណែករូបនាងវិញ បានឡើងទៅជាន់ខាងលើដើម្បីតុបតែងខ្លួន ហើយនាងក៏បានឃ្លាំមើលកូនៗតាម​រយៈ​អាយផេតដែលតភ្ជាប់ជាមួយនឹងកាមេរ៉ាសុវត្ថិភាព។ ពេលនោះ នាងបានឃើញស្ត្រីចម្លែកម្នាក់កំពុងអង្គុយក្បែរកូនៗរបស់នាង ស្រាប់តែនាងស្ទុះចុះទៅជាន់ខាងក្រោមដើម្បីពិនិត្យមើល ប៉ុន្ដែមិនឃើញស្ត្រីម្នាក់នោះឡើយ។ បន្ទាប់មក នាងបានឡើងទៅជាន់ខាងលើវិញ ដើម្បីមើលកាមេរ៉ាសុវត្ថិភាពម្ដងទៀត ហើយក៏បានឃើញស្ត្រីម្នាក់នោះកំពុងអង្គុយនៅកន្លែងដដែល។ ក្រោយពីពិនិត្យមើលឲ្យបានច្បាស់រួចមក ទើបនាងដឹងថា ស្ត្រីម្នាក់នោះគឺជារូបនាងផ្ទាល់ ធ្វើឲ្យនាងផ្ទុះសំណើច និងហូរទឹកភ្នែកក្នុងពេលតែមួយ។

នាង Leila ក៏បានពន្យល់ដែរថា កាមេរ៉ាសុវត្ថិភាពមានបញ្ហា ដែលបានបង្ហាញពីសកម្មភាពកើតឡើងរួចមកហើយតាំងពីព្រឹកព្រលឹម ដោយមិនបង្ហាញពីសកម្មភាពឡាយផ្ទាល់។

ក្រោយពីនាង Leila បានរៀបរាប់រឿងរ៉ាវខាងលើនេះនៅលើបណ្ដាញសង្គមរួចមក មានមហាជនមួយចំនួនបានឆ្ងល់ថា ហេតុអ្វីបានជានាងមិនស្គាល់រូបរាងរបស់ខ្លួនឯង។ នាង Leila ក៏បានពន្យល់ថា នាងមិនបានចាប់អារម្មណ៍ ព្រោះពេលនោះ នាងបារម្ភពីកូនៗពេក ហើយម៉្យាងវិញទៀត សក់ពណ៌មាសរបស់នាងនៅក្នុងកាមេរ៉ាសុវត្ថិភាព គឺក្លាយទៅជាពណ៌ត្នោត៕

សូមទស្សនារូបភាពខាងក្រោម៖

រូបភាពស្ត្រីម្នាក់នៅក្នុងកាមេរ៉ាសុវត្ថិភាព
នាង Leila និងកូនប្រុស
ក្រុមគ្រួសាររបស់នាង Leila

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]