រូម៉ានី៖ គ្រូជម្រើសជាតិប៊ែលហ្សិកលោក Roberto Martinez យល់ឃើញថាអ្នកចាំទីរបស់ក្លិប Real Madrid កីឡាករ Thibaut Courtois ជាអ្នកចាំទីល្អជាងគេជាងគេលើពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករ Courtois ត្រូវបានលោក Zidane ដាក់ឲ្យអង្គុយកៅអីបម្រុង ក្នុងការប្រកួតដែល Real Madrid យកឈ្នះទៅលើក្រុម Deportivo Alaves ២-១ ក្នុងក្របខណ្ឌ La Liga កាលពីថ្ងៃសៅរ៍កន្លងទៅនេះ។
បើទោះបីជាមានការរិះគន់ច្រើនពីទម្រង់លេងរបស់កីឡាករ Courtois ក៏លោក Martinez នៅតែគិតថាកីឡាកររូបនេះ ជាអ្នកចាំទីល្អជាងគេលើលោក ដោយលោកបាននិយាយក្នុងសន្និសីទកាសែតកាលពីថ្ងៃសៅរ៍ថា៖
"សម្រាប់ខ្ញុំ Thibaut គឺជាអ្នកចាំទីល្អបំផុតនៅលើពិភពលោក ដូចដែលអ្នករាល់គ្នាបានឃើញគាត់បង្ហាញសមត្ថភាពក្នុងព្រឹត្តិការណ៍ FIFA World Cup ឆ្នាំ២០១៨។ ហើយខ្ញុំគិតថាគាត់ជាកីឡាករល្អបំផុតក្នុងការការពារសំណាញ់ទីឲ្យ Real Madrid។"
លោក Martinez បានបន្តទៀតថា៖
"គាត់កំពុងស្ថិតក្នុងពេលវេលាដ៏លំបាកមួយ ប៉ុន្តែខ្ញុំគិតថាឱកាសក្នុងការវិលត្រឡប់មកជួយក្រុមជម្រើសជាតិអាចជួយឲ្យគាត់អោយមានអារម្មណ៍ល្អឡើងវិញ ហើយយើងក៏សង្ឃឹមថាភាពជោគជ័យរបស់គាត់នៅ Real Madrid នឹងអាចជួយពួកយើងក្នុងព្រឹត្តិការណ៍យូរ៉ូវិញផងដែរ។"
គួររម្លឹកផងដែរថាកីឡាករ Thibaut Courtois បានចាកចេញពីក្លិបតោខៀវ Chelsea មកចូលរួមជាមួយ Real Madrid កាលពីឆ្នាំ២០១៨ ដោយបង្ហាញខ្លួនសរុបបានចំនួន៥១ប្រកួត និងជួយក្រុមមិនឲ្យរបូតគ្រាប់បាល់(Clean Sheets) បានចំនួន១៧ប្រកួត៕
ប្រភព៖ beinsports
Bong I.T